اسطمبات جراكن 5 لتر من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس
المهندس منسي : الحمد لله
العميل : معاك مجدي سرحان عن طريق أنور سرحان
المهندس منسي : أهلاً بيك إزيك يا باشا
العميل : أهلاً يا باش مهندس إزي حضرتك
المهندس منسي : الحمد لله
العميل : بقولك يا باش مهندس هو كان كلمك على الواتس إن كنت عايز جراكن
المهندس منسي : آه أنا قلتله إن إحنا بنصنع الاسطمبات الأول وبعد كده بننفذ عليها العبوات، عشان ده بيحفظ الخصوصية لحضرتك، أما لو إنت محتاج كميات كبيرة إحنا بنعملك الاسطمبة على حسابنا
العميل : آه… يعني دلوقتي مافيش حاجة جاهزة بس إنت تقدر تعملي اسطمبة معينة صح؟
المهندس منسي : لأ مافيش حاجة جاهزة، كل الاسطمبات بتعملها بالطلب، يعني حضرتك لو محتاج دلوقتي بتجبلنا الشكل ونعملك عليه
العميل : تمام… طب إحنا لو هنشتغل في الجركن الـ 5 لتر دلوقتي اللي هوه العادي اللي بنلاقيه في كذا مكان اللي بيبعوه بـ والحاجات دي.. الـ 4 لتر بالضبط نفس الشكل وأبيض
المهندس منسي : آه…. حضرتك بتوزنه وتضرب وزنه في 3 قروش للجرام، لو إحنا هنشتغل درجة أولى، أما لو هنشتغل درجة تانية بيبقى × 2 قرشين للجرام
العميل : طب الجركن تقريباً بيصفي كام جرام يا باش مهندس؟
المهندس منسي : ما هو إنت اللي هتعرفلي بقى بيصفي كام جرام
العميل : تمام… تمام… طب ده كام سعر يا هندسة؟
المهندس منسي : آه
العميل : طب وعشان أنور سرحان ده أفضل سعر
المهندس منسي : ما هو صدقني أنا مديلك السعر ده عشان خاطرك
العميل : الله يخليك، لو إنت هتعملي اسطمبة معينة هيختلف السعر ولا نفس السعر؟
المهندس منسي : نفس السعر
العميل : تمام.. تمام… ماشي هشوف التكلفة وأوزن الجركن وهتصل بحضرتك تاني
المهندس منسي : إن شاء الله
العميل : طب في حد أدنى يا باش مهندس ولا أي كمية ألف ألفين؟
المهندس منسي : 25000
العميل : مش ممكن نبدأ بألف مثلاً؟
المهندس منسي : يبقى حضرتك اللي هتتكلف حق الاسطمبة
العميل : لو هاخد حاجة عادية هتبقى موجودة كده كده
المهندس منسي : آه… لو هتاخد كمية كبيرة يبقى إحنا اللي هنتكلف حق الاسطمبة
العميل : طب أنا هشتغل باسطمبة عادية يا باش مهندس اللي هي الاسطمبة المتاحة اللي موجودة في السوق للجركن العادي جداً
المهندس منسي : ما هو أنا قلت إن إحنا هنصنع الاسطمبة في كل الأحوال
العميل : آه…. طب الاسطمبة بتبقى كام؟
المهندس منسي : في حدود
العميل : تمام يا هندسة، بس مش موجود اسطمبة نشتغل عليها إحنا بدل ما نشتري حق الاسطمبة لسه في البداية
المهندس منسي : لأ مش موجودة
العميل : تمام… تمام…
المهندس منسي : ماشي يا باشا مع السلامة
العميل : شكراً يا باشا
