باكيتات عطور لولوا من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: مساء الخير يا باش مهندس
المهندس منسي: مساء الخير يا فندم
العميل: لو سمحت الطن بتاع الباكتيتات بتاعت لولوا ، عارفه دي حضرتك؟
المهندس منسي: آه
العميل: بكام دي حضرتك؟
المهندس منسي: بـ 12000
العميل: بتاعت الأرواح دي حضرتك؟
المهندس منسي: آه الكيلو بـ 12
العميل: يعني الطن عامل كام؟
المهندس منسي: يعني عامل 12000
العميل: آجي أدفع لحضرتك وآخد بضاعتي وأنا واقف لو تحب
المهندس منسي: لأ ده بقى اللي لسه هنعملوا جديد ده بـ للكيلو، يعني الطن بـ
العميل: يعني كام.. أنا عايز أعرف الطن في حدود كام؟
المهندس منسي: في حدود 100 ألف
العميل: ياااااه ده في إسكندرية غير كده بقى
المهندس منسي: ممكن آه… أصل إحنا بنطبع بره مصر، بنطبع روتوجرافيك وبره مصر، يعني أعلى أنواع الطباعة بنطبعها بره مصر، عشان خاطر اسمنا بس ما ينزلش في السوق
العميل: يا باشا مش القصد، أصل في إسكندرية معروض عليا بـ 42، يبقى قلت يمكن حضرتك تكرمنا؟؟
المهندس منسي: مش عملية أكرمك، شوف جودة الطباعة هنا، وشوف جودة الطباعة هنا
العميل: ماشي يا باشا، يعني ده آخر سعر عند حضرتك ولا إيه بالضبط؟
المهندس منسي: آه ده آخر سعر يعلم ربنا، ده في الفترة الحالية، قدامنا شهرين ـ 3 وهنغير خريطة الأسعار عشان خاطر هنجيب بضاعة حاجة اسمها ديجيتال، أعلى بقى من دي كمان
العميل: آه…
المهندس منسي: ديجيتال، إنت عارفها أكيد..
العميل: عارف الديجيتال
المهندس منسي: هنجيب مكنة ديجيتال إن شاء الله الدنيا هتبقى أحسن بكتير يعني
العميل: ماشي يا باشا شكراً ليك
المهندس منسي: هتبقى بضاعتك هتتبطع قدامك
العميل: طب ممكن آجي لحضرتك أشوف مثلاً النوعيات اللي عندك؟
المهندس منسي: إنت تيجي تنورنا
العميل: الله يخليك يا باشا
المهندس منسي: صدقني النوعيات اللي عندنا إنت ممكن تضرب بيها ضربة السوق، وتشوفها لو هي واكله معاك ابدأ اعمل زيها، اعمل اسم، وبعدين النهاردة 12 جنيه يعني كلام بسيط قوي قوي
العميل: لأ… هي بس أنا عايز نفس الباكت بتاع للوا الـ 3 فايلات ده
المهندس منسي: آه.. تعالى بص على الحاجة وإن شاء الله خير
العميل:فقلت أشوف عند حضرتك ممكن تبقى حاجة زيها بس يبقى في اختلافات حاجات بسيطة
المهندس منسي: إن شاء الله
العميل:العنوان فين يا باشا؟
المهندس منسي: هبعتلك بقى عنوان أكتوبر إحنا عندنا حدائق القبة، مدينة نصر، باب الشعرية، 6 أكتوبر، هبعتلك رسالة فيها عنوان 6 أكتوبر
العميل:خلاص ماشي.. دي باكتات صغيرة
المهندس منسي: آه باكتات.. هتلاقي فيها أشكال وألوان وأنواع كتيرة
العميل:طب حضرتك الكيلو بيعمل حوالي كام باكت أو الطن؟
المهندس منسي: هوه الكيس هيكلفك في حدود قرش… ويمكن أقل
العميل:أقل ما يجيش قرش اللي أنا أعرفه كده
المهندس منسي: آه…
العميل:يعني أنا سمعت إن الطن بيعمل 800 ألف
المهندس منسي: آه الطن 800 احسبها بقى هيطلع في حدود أقل من قرش… بص إنت ممكن تروح تاخد عينة وتجرب حالك، تدرسها وتشوف وزنها وتشوف حاجات من دي
العميل:خلاص ماشي يا باش مهندس، ألف شكر
المهندس منسي: ربنا يوفقك
العميل: الله يخليك
المهندس منسي: ماشي مع السلامة
