أزايز لتعبئة البريل والكلور من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: اه يا فندم اتفضل
العميل: أنا كنت عايز أسأل بس على عبوات بلاستيك
المهندس منسي: آه ماشي
العميل: حضرتك عندك؟
المهندس منسي: عندنا آه
العميل: أزايز بلاستيك
المهندس منسي: عندنا آه
العميل: عايزها زي أزايز البريل، وأزايز الكلور
المهندس منسي: آه
العميل: وأزايز جراكن بتاعت الشوار
المهندس منسي: الكمية اللي إنت عايزها أد إيه؟
حالياً إحنا لسه بنعمل تجارب
المهندس منسي: آه
العميل: مش هعوز كميات كبيرة يعني… بس إن شاء الله هنعوز كميات كبيرة
المهندس منسي: هوه عموماً إحنا بنصنع الأول الاسطمبة وبناء على طلب العميل وبعد كده بنصنع له على الاسطمبة العبوات اللي هي عايزها
العميل: يعني مافيش عند سيادتك حاجة جاهزة يعني
المهندس منسي: لأ مش كده، هوه إحنا عشان حماية المنتج بتاع الناس، يعني مثلاً إنت النهاردة لما تشوف عبوة سانسيلك أو بريل أو كده يعني، ما يفعش نقلدها، نعمل أشكال تانية خاصة بحضرتك
العميل: آه
المهندس منسي: ينفع أعمل عبوة شكل بريل وأقولك خد بريل وخد مش عارف إيه
العميل: لا طبعاً
المهندس منسي: ما هو ده غلط
المهندس منسي: طبعاً
العميل: بس حضرتك يعني ممكن تعملي أنا عينة على أد إيه؟
المهندس منسي: ما هو الأول هنعملك الاسطمبة بناء على الشكل اللي حضرتك عايزه، الاسطمبة دي بتتكلف
العميل: آه…
المهندس منسي: عموماً في اسطمبات برده عندنا بضاعة حاضرة، ممكن لو حضرتك عايز تتفرج عليها تروح تبص عليها وتبص على أشكالها لو عجبتك واحدة ممكن تشتريها بنص تمن سعر الاسطمبة التاني
العميل: أشتري الاسطمبة نفسها
المهندس منسي: آه
العميل: طب فين حضرتك المعرض؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: طب فين حدائق القبة بالنسبة لي قريب؟
المهندس منسي: هبعتلك الداتا بتاعه في رسالة
العميل: خلاص ماشي يا فندم
المهندس منسي: مع السلامة
العميل: شكراً مع السلامة
