ورق تعبئة السكر من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: مع حضرتك محمد حسن
المهندس منسى: أهلاً بيكي
العميل: كنت بسأل عن ورق بتاع تعبئة السكر 5 جرام موجود عند حضرتك ولا لأ؟
المهندس منسى: إن شاء الله
العميل: طب ثانية واحدة
العميل: باشا صباح الخير
المهندس منسى: صباح الخير يا فندم
العميل: معاك ممدوح عبد العليم
المهندس منسى: أهلاً وسهلاً
العميل: مين معايا؟
المهندس منسى: مع حضرتك المهندس منسي
العميل: صباح الفل يا باش مهندس
المهندس منسى: صباح الخير
العميل: باشا عندي طلب من الورق التغليف الزبون اللي عندي عنده التعبئة وعنده السكر وعنده كل حاجة بيدور على الورق بس
المهندس منسى: آه… ماشي
العميل: دي متوفرة، هيعبي 5 جرام
المهندس منسى: إن شاء الله
العميل: زي الفل دلوقتي نوعية الورق إيه هي، والسعر كام؟ وإزاي بيتم التعامل؟
المهندس منسى: هوه بص نوعية الورق، هوه بيقول عايز نوعية الورق كذا كذا
العميل: هوه يا باشا ماعندوش فكرة عن نوعية الورق، هوه عايز يغلف وخلاص، يعني عايز يحط الورق ده في المكنة ويغلف
المهندس منسى: آه…
العميل: فهمتني بس، بالرول أعتقد ولا إيه؟؟؟ مش عارف أنا أصل دي مش سكتي، مش نشاطي يعني
المهندس منسى: آه هوه بس يجيبلنا كيس زي اللي عايز زيه وإحنا نقوله الخامة دي وضعها كذا
العميل: أبو شقرة ممكن أصورها لك
المهندس منسى: لأ يجيب الخامة بس ملموسة في إيدي، يعني أمسك الخامة ملموسة في إيدي بس أعرفها
العميل: حاضر.. حاضر، يبقى إنت عايز عينة صح؟
المهندس منسى: إن شاء الله
العميل: هل عند حضرتك استاندر حاجة معينة؟
المهندس منسى: عندنا حاجات كتيرة قوي
العميل: جميل… أعرف الرينج كام والتعامل بيكون إزاي؟؟؟ هل بالطن؟ هل بالرول؟ عشان أرد عليه بس
المهندس منسى: هبعتلك أنا دلوقتي أرقام المبيعات وإنت تابع معاهم
العميل: جميل… أمال حضرتك مش مبيعات، أمال حضرتك في إيه؟
المهندس منسى: الاستشاري
العميل: ماشي يا باشا، طب أديك رقم الموبايل بتاعي ترن عليا 012
المهندس منسى: طب حضرتك رن عليا من موبايلك وأنا هبعتلك الرسالة فيه
العميل: شكراً
المهندس منسى: مع السلامة
