أكياس قهوه سادة من شركة المهندس منسي

العميل: سلام عليكم

المهندس منسي: سلام ورحمة الله

العميل: أيوه

المهندس منسي: أيوه معاك اتفضل

العميل: أيوه مين معايا المهندس أحمد؟

المهندس منسي: المهندس منسي مع حضرتك

العميل: إزيك يا باش مهندس

المهندس منسي: أهلاً بيك

العميل: والله أنا كلمني واحد اسمه علي باين باش مهندس عندي رقمه اللي فيه 1111 هاده

المهندس منسي: آه..

العميل: واتفقت أنا وياه في أكياس قهوة سادة مافيش علامة ليه ولا حاجة، يشتغلي ثمن من الأكياس بتاع القهوة مكتب شحن بس أعطيك العينة اللي تخدم إنت زيها، نص كيلو والكيلو والربع كيلو

المهندس منسي: آه…

العميل: لا ما هوه مكتب الشحن… قالي إني ما أروحش لحد، قالي إديه الألوان وهوه يتكرم وييجي هنا مكتب الشحن بياخد العينة ويشوفها ويخدملك زيها مثلاً 4 ـ 5 قطع وييجبوها ونوديهملك تاني عجبتك الخدمة إنت تتصل بعدين تقله فلوسك عند الباش مهندس أحمد، أحمد سمير بتاع الشحن ييجي هنا نعطولك

المهندس منسي: هي دي العملية لأن عندنا في الشركة صعب إن حد يروح لحد، فهمتني إزاي

العميل: كيف الحال هوه مش عايز يروح، وإنت مش عاوز تروح…

المهندس منسي: ما جاي لحضرتك في الكلام، في شركات شحن كتير قوي تتمنى، أبعتلك أنا كذا شركة شحن

العميل: آه…

المهندس منسي: أشوفلك أنا شركة شحن تانية

العميل: يا ريت عادي ما عنديش مشكلة عادي

المهندس منسي: ماشي أشوفلك أنا شركة شحن تانية وهو يعملك كل حاجة، هوه إنت لسه الأول عايز تاخد عينات؟

العميل: أنا ببعتلك العينات اللي بدي زيهم، إنت تخدم زيهم بالضبط، تبعتلي الخدمة بتاعك نشوفها، لقيتها نفس الخدمة بتاعي اللي بعتهالك ونفس المواصفات…

المهندس منسي: آه.. بص يا سيدي صلي على النبي، هوه عملية إن أنا أخدملك يعني مثلاً آخد العينات بتاعتك، بعد ما آخد العينات بتاعتك هعملك عينة ده هيبقى بالنسبة لنا صعب لسبب لأن النهاردة أنا ملزم إن أنا أعملك نفس العينة، ده إلزام عليا، إحنا شركة كبيرة مش شركة صغيرة، أما إن أنا أعملك عينة أقولك دوق الأول اتفرج، مش هتفنع

العميل: لا عادي ما هوه واضح ما تجينيش الخدمة وبعدين الاقيها مش زي ما ابغي

المهندس منسي: لا طبعاً لو جتلك الخدمة ناقصة 1% بترفضها ونرجعلك فلوسك تاني

العميل: ما هي خلاص متفقين خليني أبعتلك العينة وإنت تجيي زيها، هوه قالي تكلفة الطن 60 قرش، ولا 60… مش عارف

المهندس منسي: لأ هوه إنت هتعمل طن؟

العميل: على الحساب ما تقلقش، ولكن إن شاء الله بس ابعت، خلي بس يبعت العينة وإن شاء الله خير

المهندس منسي: ماشي خلاص

العميل:  طب وين بيبعتها، ابعتلي رقم الشحن

المهندس منسي: هبعتلك أنا العنوان في رسالة حالاً

العميل: بدي رقم الشحن اللي عندك إنت عشان يقولي المكتب بتاع طرابلس فين أنا أروحله يبعتهملك

المهندس منسي: ماشي حاضر.. حاضر

العميل: ماشي يا أستاذ منسي بارك الله فيك

المهندس منسي: مع السلامة

العميل: شكراً شكراً