أكياس كلوروكس من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : لو سمحت يا باشا في عندكم عبوات كلوروكس أكياس ولا عندكم مكن التغليف بس؟
المهندس منسي : عندنا الـ 2
العميل : يعني لو عايزين أكياس اللي هوه كيس الكلوروكس ده أقل كمية ناخدها أد إيه من عندكم
المهندس منسي : ربع طن
العميل : طب سعره كام حضرتك؟
المهندس منسي : ده بيتحدد بقى بناء على الكمية والخامة وحاجات من دي، حضرتك شرفنا بالزيارة واتفرج على الحاجة وإن شاء الله خير
العميل : يعني هلاقي عينات عندكم نطبع زيها ولا…
المهندس منسي : آه.. آه.. آه… وهات الطابعة بتاعتك معاك وإنت جاي
العميل : لا والله أنا لسه هبدأ جديد، لو كده هتعملوا لي إنتم الطباعة
المهندس منسي : إن شاء الله
العميل : طب ممكن تديني العنوان بتاع حضرتك
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : أقرب حاجة لينا باب الشعرية، إحنا بنها
المهندس منسي : هبعتهولك في رسالة حالاً
العميل : خلاص يا باشا ماشي مع السلامة
المهندس منسي : مع السلامة
