اكياس تغليف بسكوت ويفر من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : بقول لحضرتك بتنتج أكياس ولا بتبيع مكن؟

المهندس منسي : الـ 2

العميل : طيب إحنا كنا عايزين أكياس ويفر بسكوت ويفر معاك الأول عبد الرحمن من دلتا باب الشرق في القصيم

المهندس منسي : آه

العميل : كنا عايزين أكياس ويفر زي أكياس أولكر كده يا باشا

المهندس منسي : آه حضرتك ابعتلنا التصميم أو شرفنا بالزيارة اتفرج على الشغل بتاعنا السابق، وبناء على التصميم والكميات هنبدأ نقول النظام هيبقى إيه

العميل : بالنسبة للخامة شفت حضرتك خامة بسكوت أولكر

المهندس منسي : إحنا كل الخامات عندنا

العميل : إحنا عايزين نفس خامة بسكوت أولكر ونفس مقاس بتاع الـ 110 جرام بتاعه تمام بالنسبة طبعاً للتصميم أنا عارف إنك بتعمل كلتشه والكلام ده فهو…

المهندس منسي : لا إحنا ما بنعملش كلتشه، إحنا بنشتغل بأحدث طريقة في العالم الروتوجرافيك

العميل : طيب كويس حضرتك شغال بحاجة حديثة يعني

المهندس منسي : آه

العميل : طب ممكن نعرف حضرتك السعر كام، محتاجين نعرف السعر عشان نبني التكلفة على أساسه يعني

المهندس منسي : صعب إن أنا أديلك سعر من غير ما أشوف الديزاين ولا أعرف الكمية اللي هتطلبها، ولا أعرف الخامة اللي إنت عايزها

العميل : الخامة نفس شفت حضرتك بسكوت أولكر

المهندس منسي : أنا ما أعرفش أولكر… ولا أعرف أي أنواع بسكويت، ده مش نظام شغل، نظام الشغل حضرتك بتشرفنا بالزيارة بتجيبلنا العينة، وبتشوف الخامة و.. و… إنما أولكر وبعدين مش عارف إيه؟؟؟

العميل : يا فندم أنا مع حضرتك ده أنا عارف حاسس إنه مش جدي أو الكلام ده بس إحنا حالياً قدامنا عروض بنقارن بينها، يعني إحنا مثلاً جايلنا عرض من الهند كيس اللي بقول لحضرتك عليه بـ 19 هلله، بنتكلم هلله عشان إحنا هنا في السعودية، فانا عايز أشوف عرض سعر حضرتك هل هيتناسب معايا مثلاً بنفس الخامة دي بنفس المواصفات دي أو لأ، لو هيتناسب معايا تمام آجي لحضرتك الشركة وأديك عربون…

المهندس منسي : هوه نظامنا يختلف عن أي شركة في العالم، إحنا بيبقى العينة قدامنا لايف، وكل حاجة بتبقى قدامنا لايف وبناء عليه بنبدأ ننفذ

العميل : طب ممكن لو عندك إيميل أبعتلك الديزاين والبيانات بتاعت الكيس تبعتلي

المهندس منسي : إن شاء الله

العميل : تبعتلي عرض سعر أديك الإيميل لحضرتك ولا أبعتلك هنا على الواتس آب

المهندس منسي : ابعت طلب على الواتس آب وأنا هبعتلك الإيميل عليه

العميل : طيب يا فندم، الله يكرمك أنا بعتلك الإيميل على إيميل الموقع

المهندس منسي : آه هيتابع بقى معاك فريق المراسلات أو فريق المبيعات

العميل : تمام يا باشا، يعني كده السعر اللي هتديهوله إمتى بقى…

المهندس منسي : ما همه اللي هيبعتوا مش أنا

العميل : الفريق هوه اللي هيتابع تمام

المهندس منسي : طب ماشي، شكراً