اكياس تغليف عصي المقشة من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : مهندس منسي
المهندس منسي : أيوه
العميل : لو سمحت حضرتك معاك صادق عسكر من المنصورة
المهندس منسي : أهلاً بيك
العميل : أهلاً وسهلاً إنت حضرتك اللي هدلني على الحل اللي أنا عايزه
المهندس منسي : إن شاء الله ربنا يعينا يا رب
العميل : بإذن الله، كيس التغليف بتاع إيد المقشة
المهندس منسي : آه الشرينك
العميل : ما أعرفش اسمه إيه؟ ده ألاقيه فين؟
المهندس منسي : هوه في نوعين 2، في نوع بيبقى ملاصق للإيد نفسها
العميل : تمام
المهندس منسي : وفي نوع اللي هوه تغليف المقشة نفسه
العميل : لأ أنا عايز اللي هوه تغليف المقشة ده سهلة كده كده هحتاجه، لأ اللي هوه بييجي على الإيد نفسها البلاستيك
المهندس منسي : ده بيبقى بالكيلو
العميل : طب ألاقيه موجود فين؟
المهندس منسي : طب بنستورده بالطلب
العميل : الكيلو بكام؟
المهندس منسي : هيبقى في حدود
العميل : الكيلو بـ
المهندس منسي : في الحدود دي
العميل : ده غالي قوي الكيلو بتاعه بـ
المهندس منسي : آه في الحدود دي
العميل : آه.. ده كده يبقى غالي جداً
المهندس منسي : آه…
العميل : لأنه الكيلو بـ الكيلو يوم ما هيعمل هيعمل 10 آلاف واحدة، ما أظنش، هيبقى أقل
المهندس منسي : آه لما…
العميل : على العموم ماشي مكان حضرتك فين؟
المهندس منسي : لما نيجي نقول 10 آلاف… لأ 10 آلاف إيه أقل من كده بكتير، الكيلو 10000 حتة، ليه 0.1 من الجرام؟؟
العميل : ما هو أنا بقول على كده، مثلاً يعني
المهندس منسي : لا إذا طلع معاك 100 قطعة يبقى من الله
العميل : طب 100 قطعة هنقول بـ 15 جنيه ال مثلاً 3500 يعمله كام 45000؟
المهندس منسي : 3500 × 1.8 يبقى 63 جنيه ÷ 100 = 6.3 جنيه
العميل : حضرتك بتقول الكيلو
المهندس منسي : آه 3500 × 18 = 63 جنيه يبقى 6300 ÷ 100 على أساس الواحد 10 جرام
العميل : يا باش مهندس
المهندس منسي : نعم
العميل : حضرتك بتقول الكيلو بـ
المهندس منسي : آه
العميل : تمام.. ال بـ 18000
المهندس منسي : 3.5 × 18 = 63 جنيه
العميل : 63000 جنيه
المهندس منسي : آه ده الطن
العميل : لأ إنت بتقول حضرتك بالطن ولا الكيلو
المهندس منسي : ما هو أنا عمال أحسب مع حضرتك مرة و2 و 3 عمال تقول الكيلو، أقول لحضرتك الكيلو يبقى ضرب × كذا تقولي لأ الكيلو يبقى القطعة واقفة بـ 63 قرش في الحدود دي
العميل : طب موجود عند حضرتك عينة؟
المهندس منسي : لأ ديت نستوردها لك بالطلب، هنجيبلك الأسعار ونجيبلك العينات والحاجات ديت بالطلب، لأنه مش طبيعة عملنا إحنا هنخدمك فيها
العميل : ربنا يديك الصحة يا باش مهندس، طب حضرتك مكانك فين؟
المهندس منسي : إحنا عندنا غمرة، حدائق القبة، مدينة نصر، باب الشعرية
العميل : تمام
المهندس منسي : أي فرع يلائمك فين؟
العميل : مافيش مشكلة خلاص هشوف الراجل وآخد معاك ونشوف أنهي فرع فيهم ونيجي لحضرتك
المهندس منسي : ماشي يا باشا
العميل : ماشي يا باش مهندس، مع السلامة
