بكر السلوفان الحراري من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : باش مهندس منسي

مهندس منسي : أيوه

العميل : معاك أحمد السعدني، كنت خدت منكم مكنة اللي هي بتاعت الاستيكر بتاعت الأزايز المدورة، كنت بسأل لأنه إحنا في الغردقة، عندكم السلوفان الحراري

مهندس منسي : آه عندنا آه

العميل : طيب تمام… عندك 24 ميكرون لامع سوفت

مهندس منسي : آه إن شاء الله

العميل : طيب بكام إن شاء الله

مهندس منسي : عايزه مقاس كام؟

العميل : 35 سم

مهندس منسي : آه.. مفتوح ولا مقفول من جنب

العميل : اللي هوه البكر

مهندس منسي : آه.. يعني خرطوم نظام خرطوم

العميل : هوه بكرة السلوفان حراري بتاع التغليف

مهندس منسي : ما هو في سلوفان حراري للتغليف اللي هوه زي علب السجاير، وفي سلوفان حراري للتغليف اللي هوه زي الشرينك، زي القطعة اللي تلاقيها متشرنكة ومشدودة كده على العلبة، ففي أنواع كتيرة، فأنا أستسمحك بس ابعتلي صورة الحاجة بعد التغليف وقبل التغليف وأنا أقول لحضرتك….

العميل : ده ورق إحنا بنغلف ورق يا فندم، ورق طباعة عادي سلوفان

مهندس منسي : ما هوه في ورق مطبوع اللي هوه سلوفان….

العميل : إحنا كنا جايبين بكرتين كان جاي مع المكنة كانت جايبه 50 البكرة تقريباً ألف متر ولا 4000 متر

مهندس منسي : طب صورة المكنة ممكن

العميل : حاضر

العميل : إن شاء الله بإذن الله

مهندس منسي : ماشي يا غالي

العميل : ربنا يبارك في حضرتك ربنا يكرمك، أبعتها على التليفون بتاع حضرتك ؟

مهندس منسي : على الواتس آه

العميل : حاضر بإذن الله، ربنا يبارك فيك، معلش أنا آسف بس إحنا في الغردقة هنا يعتبر في الصحرا

مهندس منسي : ولا يهمك إحنا….

العميل : ربنا يبارك في حضرتك، ربنا يخليك مرسي جداً