خط خلط وتعبئة وتغليف الزبده من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : حضرتكم مكانكم فين؟

مهندس منسي : إحنا عندنا حدائق القبة، مدينة نصر، باب الشعرية

العميل : مدينة نصر فين؟

مهندس منسي : في مكرم عبيد أدام عمر أفندي

العميل : مافيش رقم ولا حاجة

مهندس منسي : هبعتهولك حالاً

العميل : طيب ماشي، والتاني فين

مهندس منسي : حدائق القبة، باب الشعرية

العميل : طيب عندكم خط تعبئة زيوت؟

مهندس منسي : آه

العميل : وعندكم خط زبدة شورتينج، زبدة بتاعت العيش الفينو؟

مهندس منسي : التعبئة والتغليف بس

العميل : لأ طب خط الزيت تعبئة برده؟

مهندس منسي : آه تعبئة وتغليف آه

العميل : مافيش…. تعبئة آه تعبئة

مهندس منسي : آه تعبئة وتغليف آه

العميل : ما هو خط الزيت في إيه تاني غير تعبئة وتغليف؟ طب والزبدة؟

مهندس منسي : نفس العملية برده تعبئة وتغليف

العميل : طب الزبدة هنعملها فين بقى، لازم في عملية تصنيع الأول

مهندس منسي : التصنيع ده عبارة عن إيه؟

العميل : هي مكونات بتتحط على بعض وتتصنع وبعدين بتتغلف

مهندس منسي : آه… دي موجودة

العميل : عندك؟

مهندس منسي : آه عملية الخلط

العميل : الخلط آه

مهندس منسي : دي اسمها خلط، عندنا خلاطة بتخلط المواد اللزجة دي بالنسبة لنا اسمها مواد لزجة، بنخطلها مع بعضها وبعد كده حضرتك هتعبيها وتغلفيها

العميل : طيب وفي حاجة تالتة اللي هي…. لأ مش تبعكم لأ.. ثلاجة، مش تبعكم دي؟

مهندس منسي : آه التلاجة مش تبعنا

مهندس منسي : أنا عندي الخطوط بتاعت التلاجة دي

العميل :  طيب حضرتك فاتحين من الساعة كام لكام؟

مهندس منسي : من 11-9 مساء

العميل : طيب حضرتك خط تعبئة الزيوت بكام؟

مهندس منسي : ما هوه أنواع في نص أتوماتيك وفي أتوماتيك

العميل : لأ هنعمل حاجة أتوماتيك على طول بقى مش هنعمل نص أتوماتيك

مهندس منسي : آه… في حاجة بدائية قوي وفي….

العميل : البدائية دي عندي، أنا شغالة وعارفة

مهندس منسي : آه…

العميل : البدائية دي عندي، أنا عايزه أغير دلوقتي لخط أتوماتيك عشان العمالة والقرف زي ما إنت عارف يعني

مهندس منسي : آه.. الأتوماتيك بتبدأ من 7000

العميل : لأ ما هو ال دلوقتي هيبقى صعب قوي

مهندس منسي : لأ ما هو أنا مش هاخد منك بال، أنا هاخد منك بالمصري ولكن أنا بسميلك الأسعار بال عشان لو جيتي بعد شهر شهرين 3 ـ 4 يبقى السعر يكون ثابت

العميل : يبقى ثابت يعني

مهندس منسي : آه يبقى السعر في إيدك ثابت، بحيث إن أنا دلوقتي قلتلك بـ 70000 جنيه، فإنت هتيجي بعد 3 أشهر وتقولي لي لأ ده إنت قلتلي بـ 70000 جنيه إنت تحترم كلمتك

العميل : آه….

مهندس منسي : فإذن النهاردة أمنت نفسي بإني سميتلك بال، إنما إنت هتيجي تديني بالمصري مش هقولك لأ، ما أقدرش أقولك لأ، لأنه لو قلتلك لأ باخد بال إنتي ممكن ترفعي على الشركة قضية إنه ما بيحترمش عملة البلد

العميل : آه…

مهندس منسي : لأن القانون بيقول إلزامية في التعامل

العميل : أيوه طبعاً

مهندس منسي : يعني تلزم اللي قدامك إن يتعامل بيها، ما ينفعش اللي قدامك يقولك لأ ما بخادش بالمصري

العميل : آه…

مهندس منسي : ده ترفعي عليه قضية أمن قومي على طول

العميل : آه ماحدش يقدر يقول ما أخدش بالمصري أبداً، أي واحد هييجي يشتري منك بضاعة كذا، هتقوله هاخد بال، هوه إحنا بلدنا بتتعامل بال، بنتعامل بره بال

مهندس منسي : هوه بس أنا بقول بال ليه؟؟؟ زي أيام زمان كده كانوا بيكتبوا في العقد أو ما يعادله بالجرام الذهب

العميل : آه… ده كان زمان بقى وجبر، ما بقاش في حاجة ذهب دلوقتي

مهندس منسي : لو بصيتي في عقود زمان تبصي تلاقي مثلاً 3 جنيهات ورقية أو ما يعادله بالجرام الذهب، لأنه الجنيه كان عمال ينزل، طول عمره عمال ينزل

هوه مراهن على النزول

العميل : آه… مراهن على النزول على طول مش عارفه ليه

العميل : أقابلك في أنهي حتة من دول…

مهندس منسي : أنا موجود على طول في باب الشعرية من 5-11، وفي مدينة نصر يوم السبت بس من 5-11

العميل : باب الشعرية هناك فين بالضبط؟

مهندس منسي : هبعتلك الداتا بتعته حالاً

العميل : طيب ماشي خلاص شكراً مرسي.. شكراً