تغليف أكياس الفول السوداني بالفاكيوم من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه شركة المهندس
العميل: لو سمحت كنت عايز مكنة تغليف فول سوداني مقشر
المهندس منسي: عايز تغلف فول سوداني بالشرينك؟
العميل: آه
المهندس منسي: عايزه في أكياس ولا عبوات
العميل: لا أكياس… 20 كيلو كده
المهندس منسي: آه.. طب يعني أستسمحك تيجي تشرفنا بالزيارة تتفرج على الأكياس اللي عندنا وتتفرج على المكن وعلى نوعيات المكن
العميل: هوه الكيس موجود عندي أنا عندي مصنع بلاستيك، ينفع ولا لازم كيس معين؟
المهندس منسي: ما هوه الموضوع كده طالما 20 كيلو يبقى حضرتك عايز تشفط منه الهوا؟
العميل: ما طبعاً لازم أشفط منه الهوا آه
المهندس منسي: آه ما هو أنا فهمتها كده، فهمتها من كتر الأسئلة يعني
العميل: أنا عندي المكنة نفسها
المهندس منسي: بص يا سيدي طالما إنك هتشفط الهوا يبقى لازم الكيس نفسه يبقى متوائم مع الفاكيوم اسمه كيس من خامة اسمها بولي آميد مبطنة بالبولي إيثيلين
العميل: تمام
المهندس منسي: البولي آميد مبطنة بالبولي إيثيلين عشان الترمبليتي بتاعت البولي آميد زيرو، يعني إيه ترمبليتي؟؟؟ يعني أكسجين أكتيف، لو إنت جبت كيس بولي إيثيلين عادي اللي إنتم بتسموه بلاستيك، ورحت حاطيت فيه مياه وسيبته لتاني يوم وجيت وزنته هتلاقيه خس
العميل: مستحيل، أنا بطلع فيه مخلل، ده شغال معايا اللهم صلي على النبي يعني
المهندس منسي: ما هو شغال استعمال مباشر، يعني حضرتك بتطلع فيه المخلل النهاردة والناس بتاخده منك وتروح فاكه الكيس وتروح مخلصه نفسها، كده إنت مش محتاج فاكيوم في حاجة في المخلل
العميل: آه
المهندس منسي: إحنا بنتكلم في الفاكيوم عشان خاطر لو إنت خايف الحاجة اللي جوه تتزنخ أو يحصلها أي مشكلة، أما لو عايز أكياس عادية خلاص، الكيس العادي عندك، وإحنا عندنا مكنة التغليف وخدها، فهمتني
العميل: طب أنا عايز المكنة نفسها بكام طيب؟
المهندس منسي: ما هو أنهي مكنة؟؟؟ ما هو في مكنة تعبئة، وفي مكنة تغليف بالفاكيوم، وفي مكنة تعبئة وتغليف، وفي حاجات كتيرة، عشان كده بقول لحضرتك تعالى شرفني بالزيارة
العميل: طب أستأذنك أنا عايز مكنة بالتغليف بكل حاجة، بالتغليف…
المهندس منسي: يا سيدي الفاضل، شكل التغليف إيه؟؟؟ ما هو مكن التعبئة حاجة ومكنة التغليف حاجة، شكل التغليف إيه؟؟؟ عايزه مشفوط منه الهوا اللي تبص تلاقيه محبب كده ومشفوط منه الهوا
العميل: بالضبط.. تمام
المهندس منسي: دي اسمها مكنة شفط الهوا فاكيوم
العميل: أنا عندي مصنع فول سوداني، فمطلوب مني طلبية إن أنا أحط الفول ده في الأكياس دي وتبقى منزوع منه الهوا، مافهوش هوا خالص
المهندس منسي: أيوه أنا عايز كلمة منزوع منه الهوا دي عشان أقولك دي تبعي
العميل: ما هو أنا بتصل على حضرتك عشان كل حاجة تبعك بس
المهندس منسي: الله يبارك لك
العميل: ربنا يخليك
المهندس منسي: إنت عندك بقى مصنع بلاستيك
العميل: آه
المهندس منسي: بص يا سيدي طالما عندك مصنع بلاستيك هنديلك الخامة بتاعت البلاستيك وفصل الأكياس عندك
العميل: تمام… هوه سعر الكيس لو هاخده من حضرتك جاهز يعني؟
المهندس منسي: مش هنروح بعيد، ولكن الكيس نفسه يبقى إيه؟؟؟ المفروض كيس خاص بالفاكيوم، لأنك لو جيبت كيس بلاستيك عادي مش هينفع
العميل: مش هتقبله المكنة ولا مش هينفع في البضاعة؟
المهندس منسي: في البضاعة نفسها، بص يا سيدي صلي على النبي
العميل: عليه الصلاة والسلام
المهندس منسي: إنت دلوقتي لما تيجي تمسك الفول وتقشره، وتسيبه معرض للجو والأجواء العادية طعمه تاني يوم بيتغير ولا ما بتغيرش؟
العميل: أنا ما يهمنيش الطعم أكتر من الشكل، هوه الشكل بيغير والطعم بيغير برده
المهندس منسي: الله ينور عليك، لأنه في مواد دهنية عالية وفي بكتيريا شغالة عليه
العميل: تمام
المهندس منسي: طب دلوقتي إحنا بنيجي بنعمل إيه، البكتيريا دي بتتغذى على إيه؟؟؟ على الأكسجين أكتيف، على غاز الأكسجين، غاز الأكسجين ده موجود في الهوا، فإحنا بنشفط الهوا، الهوا ده فيه أكسجين، فطالما شفطنا الهوا لو سبت البضاعة دي لمدة 10-15 يوم شهر، هتيجي تفتح وتدوق طعمها تلاقيها زي ما تكون عاملها دلوقتي حالاً
العميل: تمام طازة
المهندس منسي: الله ينور عليك، طازة، لأنه إحنا عملنا إيه؟؟؟ كل العملية إن إحنا شلنا أسباب التي تعمل على تزنخ والتحلل بالبكتيريا
العميل: أتعرف باسم حضرتك الأول
المهندس منسي: المهندس منسي
العميل: إزيك يا باش مهندس
المهندس منسي: أهلاً بيك
العميل: طب المكنة دي اللي حضرتك بتقول عليها بكام؟ والسرعة أنا عايزها
المهندس منسي: المكن ده عموماً بيبدأ سعرها من، أنا بسمي بال بس لأنه الناس بتيجي تسأل النهاردة وبتنفذ بعديها بفترة فبيلاقوا الأسعار غليت، فمش ذنبنا، فأنا بسمي النهاردة بال عشان السعر يبقى ثابت معاك، لأنه لاحظت الناس السعر بيعلى غصب عننا فبيكرهونا إحنا مش عارف ليه؟؟!!!! ما إن ال هوه اللي علي مش إحنا اللي علينا، بس هوه بيزعل مننا إحنا، يقول لأ أنا متفق معاكم، الله ما هو اتفق معانا ما جيتش نفذت ليه؟؟؟ يقولك لا ما هو الكلام في التليفون أنا كلمتك وقلت أنا جاي، ما هو إنت جاي بعدها بـ 3 أشهر ولا 6 أشهر كان ال طلع، يقولك لأ، فقولنا لأ نتكلم بعد كده بال وبعد كده اللي ييجي ييجي يدينا بالمصري مافيش مشكلة عندنا
العميل: تمام… يعني هي بتبدي من تمام
المهندس منسي: آه
العميل: طب حجمها أد إيه؟ بتعمل أد إيه؟
المهندس منسي: اللي بتعمل بتشيلها 3.5 كيلو… في مكنة تانية بـ دي بتبقى عبارة عن يعتبر بتدي إنتاج أد 4 مكنات من أم، لأنها بتبقى غرفتين 2، وفي كل غرفة 2 سايد يعني جنبين 2، دي بتعمل
العميل: طب تديني أد إيه في اليوم لو شغالة مثلاً 10 ساعات متواصلة؟
المهندس منسي: حسب سرعة اللي واقف عليها
العميل: بالسرعة القصوى قصدي يعني
المهندس منسي: ممكن تعمل اللي هي الدبل روم ديت ممكن تعملها طن طن ونص في الساعة
العميل: آه… تمام 4 أضعاف… معنى كده إن التانية تعملها ربع طن مثلاً
المهندس منسي: استنى استنى ده إنت بتعمل 20 كيلو لأ تعمل معاك أكتر بكتير، تعملها 5-6 طن
العميل: يعني الصغيرة ممكن تعملها مثلاً طن في الساعة؟
المهندس منسي: لأ ما هو إحنا بنقول إيه بقى حسب الحاجة اللي هتتحط، يعني نقول كام ضربة؟؟ نقول مثلاً ممكن تعملها في حدود مثلاً ألف ضربة في الساعة، طب الألف ضربة دول يمثلولك كام؟ فإنت النهاردة حسب سرعة اللي واقف عليها، إنت ممكن تيجي تجربها وبناء على التجربة تعمل ستوب ووتش وتشوف الوضع إيه
العميل: طب حضرتك فين العنوان بالضبط بقى؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: تمام، طيب تمام… أنا أستأذنك أنا هتواصل معاك لو كده نيجي نتفرج عند حضرتك مثلاً في 6 أكتوبر
المهندس منسي: طب أنا هبعتلك بقى الداتا بتاعتهم وإنت تروح لهم بقى على طول تتعامل معاهم، لأن أنا استشاري الشركة، مش أنا اللي هبيعلك
العميل: تمام ماشي خلاص
المهندس منسي: ماشي يا غالي
العميل: ماشي يا باشا ربنا يبارك فيك، شكراً جزيلاً وكل سنة وحضرتك طيب
المهندس منسي: وإنت طيب
العميل: ماشي شكراً
المهندس منسي: مع السلامة
