رولات تغليف بالشرينك من شركة المهندس منسى

العميل: السلام عليكم،لا مؤاخذة يا باش مهندس

المهندس منسى: ولا يهمك

العميل: خلاص آمين الخامات، بقولك الخامة بكام؟ عشان أعمل حسابي في الفلوس هعوز بكرة

المهندس منسى: الخامة لسه ما أعرفش بقى أشوف المقاس بتاعك وأقولك سعرها

العميل: هوه إنت عندك كذا مقاس؟

المهندس منسى: آه ما هو كل حاجة ليها مقاسها

العميل: هي المكنة بتاعتها بتديني مقاس أد إيه؟ المكنة بتاعت الشرينك

المهندس منسى: تاخد كرتونة في حدود 16 × 26 × أي طول إنت عايزه بقى، عملية الطول مش مشكلة

العميل: تمام.. لكن عرضها 16

المهندس منسى: مش عرض المكنة، عرض المنتج اللي إنت هتغلفه

العميل: عرض المنتج أنا عايزها 30، عرض العلبة 30 سم، 30 بالعرض كده، لكن الطول 32

المهندس منسى: آه… والارتفاع؟

العميل: 6 سم

المهندس منسى: بس إزاي الأجندة عرضها 30

العميل: هي مش أجندة بس، هي أجندة وعلبة، الأجندة بحط 6 أجندات في بعض، دي سهلة

المهندس منسى: آآآآآه

العميل: لكن في العلبة عايزه أشرنكها، العلبة نفس المقاس اللي بقولك عليه ده، هي بالضبط بالضبط عرضها 30، وفي علب عرضها 20، فدي كده مكنة صغيرة

لا في برده مقاس تاني، في مقاس لغاية 40، وفي مقاس تاني 45 سم

المهندس منسى: الله ينور عليك تمام

العميل: يعني اللي فوق المقاس ده اللي هوه الـ 40؟

المهندس منسى: آه اللي فوق المقاس ده بتبقى تاخد منتج 20 سم × 40 سم عرض، يعني 20 سم ارتفاع × 40 سم عرض × الطول اللي إنت عايزه

العميل: ده 100% دي دي بكام؟

المهندس منسى: تعملها في حدود

العميل: طب ضربها بس بعد إذنك

المهندس منسى: ثانية واحدة

العميل: إنت بتضرب × كام ال؟

المهندس منسى: 18 يعنى 10800

العميل:تمام دي اللي هي عرضها 40، لكن الأولانية كانت عرضها كام؟

المهندس منسى: كانت عرضها 26 وارتفاعها 16

العميل:طب ما عرضها 26 كويسة

المهندس منسى: خلاص خليك في أم

العميل:تمام.. طب والخامات موجودة عندك، البكر اللي أنا هشوفه هقولك عليه

المهندس منسى: آه بس هوه المقاسات هتختلف

العميل:ما هو أنا عارف،أنا لما أجيلك إن شاء الله هاخد خامات طبعاً، لازم آخد خامات من عندك، بس لما أشوفك هقرر بالضبط المقاس

المهندس منسى: اتفضل

العميل:بقول لحضرتك تبقى موجود الساعة كام؟

المهندس منسى: يعني بعد الساعة 9 كده

العميل:يعني أجيلك على 9 ولا إنت آخرك 9

المهندس منسى: لا أنا آخري 12 بالليل

العميل:طب خلاص يعني مش شرط الساعة 9 أجيلك بإذن الله

المهندس منسى: إن شاء الله

العميل:خلاص بإذن الله، باش مهندس معايا؟

المهندس منسى: أيوه المهندس منسي معاك

العميل:ماشي يا باش مهندس، إن شاء الله تعالى النهاردة بعد الفطار الساعة 9 هكلم حضرتك وأجيلك، المكان في باب الشعرية في المنسي مش كده؟

المهندس منسى: إن شاء الله

العميل:بإذن الله تعالى، شكراً لحضرتك، السلام عليكم

المهندس منسى: عليكم السلام ورحمة الله وبركاته