رولات آي بي آي لتغليف الابواب من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: هوه ده شركة المهندس

المهندس منسى: أيوه

العميل: أيوه يا فندم، معاك حسين شركة كات لتصنيع الأبواب

المهندس منسى: أهلاً بيك

العميل: أهلاً بيك، حضرتك بتغلفه آي بي آي؟

المهندس منسى: بنغلف إيه؟؟

العميل: آي بي آي

المهندس منسى: قصدك على بي في سي

العميل: لأ مش بي في سي، خامة اسمها آي بي آي

المهندس منسى: طب اللي هي خامة بلاستيك شفافة زي البولي إيثيلين كده

العميل: أيوه

المهندس منسى: أو زي الـ بي في سي، أو زي…

العميل: زي الـ بي في سي كده حاجة زيها كده

المهندس منسى: أيوه إحنا عندنا بقى المكن وممكن نوفر لك الخامة

العميل: طيب بيتحسب إزاي التكلفة بتاعتها

المهندس منسى: حضرتك بس ابعتلنا صورة للمنتج بعد التغليف، وشوف السماكة اللي إنت عايزها أد إيه، والكمية، والطول والعرض، وإحنا نقولك…

العميل: هي أبواب، أبواب برده

المهندس منسى: ما الأبواب بيتغلف بخامات كتير قوي، خامات التغليف لا حصر لها ولا عدد، يعني كل واحد بيطلع خامة بيسميها، النهاردة ممكن أقولك بولي إليفن، في بولي إليفان، وفي بولي بروبلين، بولي آميد، بولي إستر

العميل: في عندك كمان بولي استالين، في بي في سي…

المهندس منسى: والله العميل باعتلي عايز يغلف آي بي آي

العميل: طب هوه العميل بقى يا تبعته يا إمتى تخليه يبعتلنا صورة للمنتج بعد التغليف

المهندس منسى: تمام.. أبعتلك الصورة بعد التغليف ماشي مافيش مشكلة

العميل: تحت أمرك، على الرقم ده يا فندم

المهندس منسى: هوه حضرتك بتصنع الأبواب

العميل: أنا بصنع الخشب بس، هوه عايزني أغلفها له

المهندس منسى: إحنا عندنا مكن كمان سي إن سي بيصنع الأبواب ….

العميل: سي إن سي.. تمام، ماشي خلاص مافيش مشكلة ممكن نتشرف بحضرتك ونتعرف ،مكانكم في باب الشعرية صح كده؟

المهندس منسى: إحنا عندنا حدائق القبة، مدينة نصر، باب الشعرية، 6 أكتوبر

العميل: تمام.. تمام… ده تليفونات الشخصي يا فندم ولا تليفون الشركة؟

المهندس منسى: لا عادي مافيش حاجة اسمها تليفوني الشخصي لأني صاحب الشركة

العميل: طب أتشرف بالاسم يا فندم؟

المهندس منسى: المهندس منسي معاك

العميل: المهندس منسي عامل إيه يا فندم

المهندس منسى: أهلاً بيك

العميل: أنا اتشرفت بحضرتك يا باش مهندس

المهندس منسى: خلاص نتشرف بحضرتك كده ونيجي ولو كده هبعتلك الصورة دلوقتي على الواتس ولو في حاجة مع بعض يعني بإذن الله

العميل: أنا بعتلك الصورة بتاعت الباب

المهندس منسى: آه

العميل: ده الباب اللي إحنا عايزينه باب الحمام في مستشفى، همه 20 باب عامة يعني

المهندس منسى: آه…

العميل: لو إنت حضرتك تقولي بس عايز أعرف التكلفة بتاعته…

المهندس منسى: إحنا بنبيع المكنة بتاعت تغليف الباب، وبنبيع الخامة بتاعت تغليف الباب، إنما مش هاخد الأبواب وأغلفها، فهتمني

العميل: ماشي ممكن تديني الباب جاهز مافيش مشكلة التغليف

المهندس منسى: باب جاهز إزاي؟؟ أنا ما بصنعش أبواب

العميل: يعني ما بتصنعش أبواب،ماشي إنت عايزني أصنعلك أنا الأبواب وإنت تغلفها لي

المهندس منسى: بص يا سيدي الفاضل، أنا ببيع مكن تعبئة وتغليف ومواد تعبئة وتغليف

العميل: آه.. آه…

المهندس منسى: مين اللي بيغلفها أنا ما أعرفش، لأني ما بسألش حد إنت هتغلف إيه، هوه بيجيب الحاجة عشان يغلفها يجرب مكنته

العميل: طب معلش ممكن تساعدني بس حضرتك في توفير الخامة دي

المهندس منسى: بص هوه كل واحد بيسمي خامة على مزاجه، ولكن أسماء الخامات عندهم غلط، همه أوقات بيقولوا على البلاستيك نايلون وهوه مش نايلون، النايلون ده خامة من خامات البولي آميد

العميل: صح كده

المهندس منسى: فكل واحد بيسمي أسامي على مزاجه هوه، مجرد ما لقى حرفين تلاتة عليها يبقى خامة البلاستيك هي الخامة دي فهمتني

العميل: ماشي

المهندس منسى: عشان كده قلت لحضرتك وريني الصورة، ممكن أعرفها، طب لو ما عرفتهاش، أقولك ابعتلي خامة البلاستيك، إنما كل واحد بيقول أي اسم في أي حاجة وخلاص

العميل: طب أستأذنك الباب عندك حضرتك شوفه بس ولو حضرتك ممكن تقولي الخامة دي إيه بالضبط

المهندس منسى: ماشي

العميل: ماشي يا باشا، تسلم لي يا باش مهندس