صناعة عبوات الشامبو البلاستيكية من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : إزيك يا فندم

مهندس منسي : أهلاً بيك

العميل : كنت بسأل على عبوات للشامبو 500 مللي

مهندس منسي : آه

العميل : موجودة يا فندم

مهندس منسي : هوه إحنا بنصنع كميات كبيرة، إحنا بنشتغل إنتاج تصنيعي، إنت عايز كمية أد إيه؟

العميل : يعني مثلاً من 2000-5000 في أول مرة

مهندس منسي : لأ أقل كمية ممكن نصنعها 25000

العميل : طب كنت عايز صور العبوات اللي موجودة المتاحة

مهندس منسي : ولا حاجة اكتب عبوات شامبو المهندس منسي على جوجل وابحث في الصور

العميل : تمام

مهندس منسي : هيطلعلك صور كتير جداً

العميل : طيب العبوات اللي عند حضرتك كلها حقن ولا نفخ ولا إيه نظامها؟

مهندس منسي : ما هي العبوات بتبقى نفخ

العميل : كلها نفخ

مهندس منسي : آه… أما عبوات الكريم بس اللي بتبقى حقن

العميل : آه تمام، طب المادة… أنا بدور على عبوة برده شكلها فخم قوي عشان عامل شامبو عالي مش…

مهندس منسي : آه

العميل : يعني جودة عالية وشامبو تقيل فدور على حاجة برده شكلها فخم قوي

مهندس منسي : ولا حاجة عادي لو عجبتك أي عبوة في العالم إنت ممكن تنزلها وإحنا نصنعها لك

العميل : تمام

مهندس منسي : يعني مش شرط إنك… يعني أي عبوة في العالم

العميل : اسطمبة ومش عارف إيه…

مهندس منسي : أيوه نعملها اسطمبة، وبناء على الاسطمبة ننبدأ ننفذها

العميل : طيب إنتم عندكم كمان بتبيعوا الطبات بتاعت العبوات وكده

مهندس منسي : الـ إيه؟؟؟

العميل : الغطا اللي هوه البامب اللي فيه سوسته

مهندس منسي : آه

العميل : ده موجود عندكم؟ يعني إنت عارف برده

مهندس منسي : خد بالك الغطيان عموماً بتبقى كتير قوي ونوعها كتير قوي، فلازم نبص على عينة الغطا لايف يعني نمسكوا في إيدنا، ما ينفعش كمان صورة

العميل : أيوه ما هو أنا بتكلم في كده، إن أنا…

مهندس منسي : بالضبط

العميل : طب إنت في حد معين بتتعامل معاه، شركة معينة كبيرة أو صغيرة في موضوع الغطيان والحاجات دي

مهندس منسي : لا ده ده بنستورده، الغطيان بنستورده، أما العبوات بنصنعها

العميل : تمام.. طب إنتم عندكم غطيان، يعني بتستوردوها إزاي؟ وهل موجود حالياً كميات…

مهندس منسي : دي مش قضيتك، قضيتك إن إنت هنقدر نوفرلك الغطا ولا مش هنقدر نوفرهولك، كون إن إحنا نصنعه، نستورده، نشتريه، نعمله براحتنا بقى

العميل : أنا فاهم، أنا بتكلم عشان آجي أتفرج أشوف اللي موجود

مهندس منسي : لأ غطاك إنت اللي هنبدأ ننفذه، ولا إنت عايز… ما عندكش غطا وهنبدأ…

العميل : لأ أنا ما عنديش، ولا عندي غطا ولا عندي عبوة

مهندس منسي : آه…. اكتب أغطية بامب المهندس منسي واتفرج عليها

العميل : طيب تمام

مهندس منسي : مع السلامة

العميل : شكراً