صناعة خامات الألومنيوم بيبر من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : كنت بسأل.. إحنا شركة آيس كريم بنعمل الحاجات المغلفة دي، كونو وأستيك والحاجات دي، وكنت عايز الغطا بتاع المنتج اللي هوه زي نسكويك بتاع نستلة، غطا ألومنيا كده بيلصق في ورق مقوى زي بتاع كوباية الشاي كده
مهندس منسي : آه بيبقى ألومنيا من تحت… بتبقى ألومنيا بيبر مش كده؟
العميل : لأ بتبقى ألومنيا واخده طبقة بلاستيك عشان تلحم
مهندس منسي : آه موجودة
العميل : طيب أقابل حضرتك إزاي أو نستفسر عنها إزاي؟
مهندس منسي : حضرتك هتجيبلي بس كام كوباية وتشرفنا بالزيارة
العميل : فين مكانكم؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : حدائق القبة كويسة جداً، قريبة عليا
مهندس منسي : هبعتلك تليفونهم في رسالة دلوقتي، دي حاجات من الحاجات الحديثة، اللي إنت رايح تقابله هيبقى مدير فرع كرجل مبيعات…
العميل : وديني لأهم واحد اللي هيخلصني، اللي هوه في مصر الجديدة في أي مكان أروحله
مهندس منسي : أنا بس مش متكهن دماغهم هتستوعب ولا لأ، إنما أنا بالنسبة لي كالمهندس منسي عارف إنها هتلحم، طب افرض هوه قالك لأ مش هتلحم؟؟؟
العميل : حضرتك عندك عينات ؟
مهندس منسي : عندي عينات…
مهندس منسي : عندي.. عندي.. عندي خامات الدنيا، عندي أكتر من 3000 خامة
العميل : في الحدائق متوفر عنده الحاجات دي كلها
مهندس منسي : إن شاء الله
العميل : ولا في فرع تاني أنشط شويا؟
مهندس منسي : همه كلهم نشطاء وزي الفل، مش في جمهورية مصر العربية، يبقى النشاط زي الفل
العميل : ربنا يبارك فيك
مهندس منسي : ماشي يا باشا، هبعتلك أنا رسالة…
العميل : آه يا ريت يا باش مهندس الله يكرمك
مهندس منسي : ماشي يا غالي
العميل : السلام عليكم
