طبة أندكشن من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: أستاذنا مع معاليك عبد المنعم هشام  تنمية زراعية

المهندس منسي: أهلاً بيك

العميل: كنت عايز أطمن على طبة أندكشن مضادة للتآكل

المهندس منسي: آه موجودة

العميل: طب أفهم بس معلش أنا بتعامل مع طبة أندكشن كتير يعني إيه مضادة للتآكل، أصل أنا هعبي أحماض

المهندس منسي: آه.. اللي عندنا مضادة للأحماض والقلويات

العميل: طب بكام الألف منها يا فندم دي؟

المهندس منسي: حسب المقاس ونشوف العبوة والكمية

المهندس منسي: المقاس.. المقاس… الكميات كتير، إحنا شركة يا فندم بتتعامل مع شركة عالميه العميل: هتبقى كميات على فترات، بس عايز عينة الأول أعمل تست عليها

المهندس منسي: أنا سألت حضرتك سؤال محدد، أنا محتاج الكمية والعدد الكمية اللي إحنا محتاجنها والسمك والعبوة، كون إن أنا أسال حضرتك أسئلة هترد عليا بكلام تاني ده مش هيأدي لنتيجة

العميل: تمام.. ممتاز

المهندس منسي: بص يا فندم المقاس…إحنا شركة إنترناشيونال، دلوقتي حضرتك هتقلي الكمية و.. و… و.. هقولك السعر بتاعها إيه، أما ما تقلقش أنا هاخد منك كميات كبيرة وكل الكلام دوت مش هياخد… هسمعه بس، يعني إحنا مرتبطين بمبادئ الشركة شغالين عليها

العميل: تمام… تمام… طب بس عشان ما نختلفش في أول مكالمة تليفون كده أنا خدامك، تحت أمرك هي أقل كمية عندكم كام؟

المهندس منسي: أقل كمية 10 آلاف ..خليهم 20

العميل: ماشي..المقاس بتاعي 49

المهندس منسي: أيوه، الخامة نفسها بقى

العميل: يعني إيه الخامة نفسها؟

المهندس منسي: خامة العبوة

العميل: بلاستيك

المهندس منسي: آه.. ما هو البلاستيك ده أنواع كتيرة قوي، في بولي إيثيلين وفي بولي استايلين، وفي بي في سي

العميل: لأ مش بي تي بولي إيثلين عادي، عبوة بلاستيك عادية خالص، ولا بي تي…

المهندس منسي: ده حسب ما تقول حضرتك، مافيش مشكلة

العميل: وبإذن الله… بس معلش يا فندم أنا عايز عينة للتجارب عشان آخد الكمية ديت على الأساس دوت

المهندس منسي: لو متاح المقاس….

العميل: بص يا فندم أنا مش هخبي عليك أنا بتعامل مع  دقهلية اللي هي في العاشر، الشركة الأهلية

المهندس منسي: بص أنا مش قضيتي إنت بتتعامل مع مين، أنا بكلم حضرتك على شغلي أنا، لو متاح هنا بنفس المقاس بنفس الشغل بنفس التكنيك…

العميل: أنا هاخد….

المهندس منسي: يا بيه اسمعني أكمل كلامي

العميل: اتفضل

المهندس منسي: لو متاحة العينة ومتاح المقاس ومتاح كل حاجة هديهالك من غير ما أعمل حاجة، من غير ما آخد منك أي حاجة، طب لو مش متاحة، بنعمل لحضرتك عينة حضرتك مخصوص، بناخد تكلفة عينة 1000 جنيه

العميل: تمام…

المهندس منسي: واخد بال معاليك، بس

العميل: تاخد على العينة ألف جنيه؟

المهندس منسي: طب ليه نفترض السيئ ما نفترض الحسن….

العميل: نفترض الحسن.. تمام.. تمام…

المهندس منسي: ممكن يكون العينة عندنا

العميل:طب خلاص…. تمام معاليك

المهندس منسي: هبعت لحضرتك تليفون المبيعات واخد بال حضرتك عشان خاطر أنا مش مبيعات، أنا استشاري الشركة، فأنا هبعت لحضرتك تليفون المبيعات وهتابع معاهم

العميل: الله يباركلك يا فندم، معلش أنا آسف أزعجت معاليك، أول تعامل ما بينا  ، زي ما يكون تتش حصل ولا حاجة…

المهندس منسي: لا ولا يهمك

العميل: الله يبارك لك وإلى اللقاء يا فندم، تسلم

المهندس منسي: مع السلامة