طباعه ليبل علي عبوات المياه المعدنيه من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته…مع حضرتك المهندس منسي حضرتك كلمتني من شويه؟

العميل: المهندس منسي

المهندس منسي: أيوه

العميل: إزيك يا باشا

المهندس منسي: أهلاً بيك

العميل: أنا أشرف عبد الله أنا بشتغل في وكالة دعاية وإعلان بس أنا مش جاي أبيعلك أنا جاي أشتري منك

المهندس منسي: إنت تيجي تنورني يا باشا في أي وقت

العميل: ربنا يخليك، أنا واخد تليفونك من على النت

المهندس منسي: آه

العميل: أنا معايا زبون من ليبيا عايز يطبع على… هوه بينتج مياه معدنية هناك، تمام

المهندس منسي: اتفضل

العميل: هوه عايز يطبع الليبول بتاعه، عايز 6 طن

المهندس منسي: ماشي

العميل: دي كام دي بالوصف كده لغاية ما أنا أجيلك، الطن تقريباً بيعمل كام؟

المهندس منسي: ، يعني الكيلو بـ

العميل: طب ليه بال؟

المهندس منسي: عشان إحنا الجنيه كل شويه بيقع، كل شويه بيقع، هنقعد نجري وراه

العميل: آه….

المهندس منسي: بس

العميل: يعني أنا هحاسبوا بال مش هحاسبك بالمصري

المهندس منسي: وات إيفر.. وات إيفر براحتك، إنت تشوف سعر ال النهاردة كام بتحاسبني، إحنا بنسمي بال عشان خاطر افرض إنك اتأخرت عليا أسبوع أسبوعين، هقولك

هتقولي لا والله كنا قولنا كذا، ما هوه الجنيه مالوش عادله، ما لو شايفله عادله ما هو ماشي ده جنيهي

العميل: تمام…

إنما ما لوش عادله عمال يهزمنا، عمال يهزمنا كل شويه عمال يرخص فينا كل شويه

العميل: طب السعر ده بتاع الزبون اللي بره

المهندس منسي: آه

العميل: طب أنا أقوله إيه أنا…..

المهندس منسي: إحنا بنطلع كوميشن 5% ده ليك، كوميشن موزعين، حتى لو هوه قعد معاك، مافيهاش مشكلة لازم تاكل لقمة عيش، فطنلعلك كوميشن قدامه 5%

العميل: تمام يا باشا

المهندس منسي: إحنا شركة إنترناشيونال ما بنخبيش حاجة على حد، الشغل عندنا ميري

العميل: أنا فاهم يا باشا

المهندس منسي: بس السعر لو جالنا لوحده هنديله بنفس السعر، هيقولي إديني بالسعر بتاع الراجل ده هقوله لأ

العميل: تمام….

المهندس منسي: خلي مثلاً جيه مع حضرتك وبعد ما جه ما حضرتك راح لافف وراح راجع ليا تاني، هديله نفس السعر، هيقولي إديني خصم، هقوله لأ، لسبب بسيط، لأن حضرتك سبورت الشغلانة، يعني إنت اللي بتجري وبتعمل التصميم وبتعمل مش عارف إيه وإنت اللي بتابع، فهنا إنت وفرت عليا خدمة، وفرت عليا أفراد، إنت عارف أسعار الأفراد النهاردة بقت عالية

العميل:آه….

المهندس منسي: فهمتني ولا ما فهمتنيش

العميل:أنا فاهم كويس، بس أنا كنت شايف الطن وصل لـ 50000 جنيه ده مش رقم كبير، أنا كنت حاسبها حسبة غير كده خالص بأمانة

المهندس منسي: يا الله على بركة الله

العميل: نعم….

المهندس منسي: لا هوه المكن ده إحنا بنطبع روتوجرافيك بخامات ألماني حاجة نظيفة قوي، أعلى جودة في العالم، هتبص على الشغل هتنبصت منه قوي، الشغل التاني اللي هوه أقل جودة بسعر أقل ده مش عندي، ما بتعاملش فيه، ما بتعاملش إلا في أعلى جودة، في الطباعة بالذات ما بشتغلش غير روتوجرافيك هي أعلى جودة في العالم كله، لأنه ما ينفعش في الطباعة إن أنا أنزل في المستوى 1%، لأنه هو ده مصدر….

العميل: الفكرة يا باش مهندس منسي أنا راجل ما أفهمش في شغل البلاستيك عامة…. ممكن أتكلم في البانر، ممكن أتكلم في الطباعة الورقية…

المهندس منسي: إنت دلوقتي لما يكون قدامك الديجيتال ويكون قدامك الأوفست وان كلر، هتشتغل في إيه؟؟ بالتأكيد نفسك تشتغل في الديجيتال أعلى جودة

العميل: أكيد طبعاً

المهندس منسي: فهنا النهاردة أنا اسم، فالنهاردة عشان أحافظ على اسمي لازم أعمل أعلى جودة

العميل: تمام.. تمام.. تمام يا باشا، بس أنا دلوقتي شايف آجي لحضرتك، آجي لحضرتك إزاي؟

المهندس منسي: إحنا عندنا حدائق القبة، مدينة نصر، باب الشعرية

العميل: المكتب بتاع حضرتك في حدائق القبة؟

المهندس منسي: إحنا 3 فروع في القاهرة غير المدن الصناعية، عندنا حدائق القبة، مدينة نصر، باب الشعرية

العميل: أنا دلوقتي أساساً مقر مكتبي في وسط البلد عند دار القضاء العالي، مستعد آجي أي مكتب عشان نتكلم…

المهندس منسي: باب الشعرية أقربلك هبعتلك عنوان باب الشعرية في رسالة حالاً

العميل: حاضر شكراً يا باش مهندس، شكراً لاهتمامك جداً

المهندس منسي: مع السلامة

العميل: شكراً.. شكراً.. مع السلامة