عبوات شامبو مختلفة مقدمة من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : باشا مصنع عبوات بلاستيك
المهندس منسي : إن شاء الله
العميل : أنا كنت عندي أنا بورد حاجات لفنادق وكده، فكان عندي توريد عبوات بتاعت الشامبو الصغيرة اللي هي 35 مللي دي
المهندس منسي : آه…
العميل : دي موجودة عند حضرتكم؟
المهندس منسي : هوه إحنا بنشتغل لحساب الغير، يعني إحنا بنعمل العبوة بتاعتك، الأول بنعمل الاسطمبة، وبناء على الاسطمبة بنبدأ ننفذ
العميل : حلو، والكلام ده بياخد وقت أد إيه عشان تتعمل الاسطمبة وتنفذ؟
المهندس منسي : نشوف بس العينة وإن شاء الله خير
العميل : طب ما عندكش رينج سعر ليها؟؟ مافيش حاجة موجودة طبعاً في المخزن ولا حاجة صح؟
المهندس منسي : لا عندنا أكتر من ألفين اسطمبة، بس مش بتوعنا كلهم، كلهم بتوع شركات، عشان ضرب المنتجات بس، عشان الناس بتيجي تاخد عبوة تضرب بيها منتج عبوة تانية، فكل واحد ليه عبوته بيستخدمها
العميل : طب أنا ما عنديش العبوة اللي معايا، فهمه مش عايزين يدوني العبوة في الفندق، فواخد صورة كده على الواتس منها ده ينفع؟
المهندس منسي : آه ينفع آه بس لو عبوة يبقى أفضل
العميل : طب حتى مبدئياً لو ممكن آخد فكرة عن سعرها وممكن تتنفذ في أد إيه وبعد كده ممكن نبص على العبوة ينفع الكلام ده؟
المهندس منسي : هي المشكلة بس العبوة عايزين نشوفها عشان نوزنها نعرف كام جرام عشان أديلك سعر ليها
العميل : إنت بتجيب العبوة طبعاً فاضية صح كده؟ ما بتعبيش إنت صح يا باشا؟
المهندس منسي : إنت عايز تعبي، ولا عايز تصنع العبوة، ولا إيه بالضبط؟؟؟
العميل : بص يا باشا، أنا عايز العبوة فاضية، لو هوه ينفع تديهالي متعبية خير وبركة
المهندس منسي : أنا ممكن أسلمك مصنع تعبئة صغنون كده تشغله في الصالة
العميل : آه
المهندس منسي : مصنع تعبئة صغير قوي ما تقلقش
العميل : ده فين ده ولا إزاي؟
المهندس منسي : هنعملهولك لما تيجي تشرفنا
العميل : طيب حضرتك مكانك فين؟
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : لما تروح اسأله عن مصنع تعبئة الديسك توب، قوله مكنة التعبئة الديسك المهندس منسي : توب فين
العميل : طيب إنت مكانك فين في مدينة نصر؟
المهندس منسي : هبعتهولك في رسالة حالاً
العميل : طب ماشي يا باشا
المهندس منسي : لا هوه أنا ببعت رسايل كده أسهل
العميل : أنا كده كده موجود في مدينة نصر حالياً دلوقتي، لو كده ممكن أعدي عليهم
المهندس منسي : هتلاقي فيهم نمر تليفونات كلم أي تليفون فيهم
العميل : ماشي يا باشا شكراً
المهندس منسي : مع السلامة
العميل : مع السلامة
