عبوات زيوت لتر من شركة المهندس منسى
العميل:السلام عليكم
المهندس منسى: عليكم السلام ورحمة الله وبركاته
العميل:شركة المهندس منسي
المهندس منسى: أيوه
العميل:باشا كنت معاك عبد الرءوف سعد شركة دعاية،كانت مطلوب مننا عبوات لتر وعبوات كيلو فإحنا عايزين نشوف التصميمات اللي موجودة عندك في الشركة
المهندس منسى: آه هوه الأشكال اللي حضرتك عايز زيها لإيه؟
العميل:كان في واحد صاحبي رافعلي شويه حاجات كده ممكن أبعتها لك، هوه الرقم ده عليه واتس؟
المهندس منسى: آه عليه واتس بس إحنا بنفضل التعامل على الإيميل، الواتس الشاشة صغيرة مش بتاع شغل، بتاع سلام عليكم
العميل:تمام… هوه أقل حاجة ممكن أطلبها أد إيه؟
المهندس منسى: بنبص على الأشكال، هوه إنت محتاجها تعبي فيها إيه؟
العميل:هوه أنا محتاج عبوات لتر، وعبوات كيلو جرام أنا شغال في منتجات تكنولوجيا بيعبي حاجات سائل لتر وحاجات كيلو جرام
المهندس منسى: زيوت عطرية؟
العميل:آه
المهندس منسى: آه.. آه.. ماشي
العميل:ففي تصميم معين كده هوه طالبه ينفع نعمله ولا إيه؟
المهندس منسى: إن شاء الله
العميل:خلاص هبعت لحضرتك على الإيميل، هوه حضرتك بعد رمضان شغالين من إمتى؟
المهندس منسى: هوه العيد عندنا 3 أيام
العميل:يعني بادئين من يوم الأربعاء شغل
المهندس منسى: آه
العميل:والمقر اللي موجود على الإيميل ده مضبوط، صح ولا غيرته المكان
المهندس منسى: آه هوه مضبوط آه
العميل:طب خلاص أنا احتمال يا إما أعدي عليكم يا إما أبعتلكم الحاجة على الإيميل ونتفق في الحاجات التانية
المهندس منسى: هوه التصميم لو بعتهولك ممكن يتنفذ يعني؟
العميل:آه ممكن آه
المهندس منسى: بس أنا ما عنديش التصميم أنا عندي عبوة شبيهة يعني كان شغال بيها قبل كده
العميل:آه مافيش مشكلة،خلاص ماشي يا باشا، أقل طلبية لو محتاج ألفين مثلاً من كل حاجة
المهندس منسى: نشوف بس الشكل إيه وربنا يقدم اللي فيه الخير
العميل:خلاص ماشي يا باشا، شكراً
المهندس منسى: مع السلامة
العميل:السلام عليكم
