عبوات فارغة لتعبئة الشامبو 500 مللي و 1000 مللي  من شركة المهندس منسي

 

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: إزيك حضرتك يا فندم، معاك شركة المالك جروب للاستيراد والتصدير يا باشا

المهندس منسي: أهلاً بيك

العميل: أهلاً بيك يا ريس، والله يا باشا كنا عايزين منكم عبوات فارغة تنفع لتعبئة الشامبو 500 مللي، و 1000 مللي

المهندس منسي: هوه إحنا بنصنع الاسطمبات الأول وبناء على الاسطمبات بنفذ العبوة، وماعندناش أشكال بتاعتنا، يعني إحنا سياسة شركتنا إن إحنا بنفذ الاسطمبة الأول وبناء على الاسطمبة بنبدأ نصنع عليها

همه الناس العبوات دي هتتصدر يا باشا مش هتبقى موجودة في مصر

العميل: تمام…

المهندس منسي: ده شغل بيضرب، فإحنا بنصنع الاسطمبة الأول عشان نعقدها أدام الناس، فبنصنع الاسطمبة الأول وبناء على الاسطمبة نصنع عليها عبوات، مش أي حد يجيي يقولي عايز ألف عبوة ولا ألفين عبوة يروح ضربهم ويروح ملزق عليهم كرته ويروح منزلهم السوق، ده نظام شركتنا

العميل: تمام.. يا معالي الباشا، يعني إنت دلوقتي محتاج مني اسطمبة

المهندس منسي: لا أنا اللي بصنعها كمان

العميل: إنت اللي بتصنعها، طب أنا أقدر أشوف اسطمبات وأختار منهم

المهندس منسي: آه ممكن آه ممكن، حضرتك تيجي تشرفنا، هبعتلك العنوان في رسالة تروح تتفرج على الاسطمبات اللي تعجبك تختار الاسطمبة دي احفروا اسمي عليها

العميل: تمام طب يا باشا صاحب الشأن اللي بيشتري أساساً ناس بره، إحنا هنصدرهم مش هنستخدمهم في مصر

المهندس منسي: آه

العميل: فلو تقدر تبعتهالي على الإيميل

المهندس منسي: راسل الشركة على الإيميل والشركة هترد عليك

العميل: هوه الناس لما كانوا موجودين في مصر شافوا الاسطمبات بتاعت شركة تانية

المهندس منسي: آه

العميل: فنقدر نعمل زيها ولا كل شركة ليها اسطمبة لوحدها

المهندس منسي: أي عبوة أياً كانت نقدر نعمل الاسطمبة الأول وبعد كده نبدأ ننفذ عليها، أي عبوة أياً كانت

العميل: تمام.. طب أبعتلهم على الإيميل يعني

المهندس منسي: آه…

العميل: اللي هوه إنفو إم تو باك دوت كوم

المهندس منسي: آه

العميل: تمام يا معالي الباشا، شكراً

المهندس منسي: ماشي يا باشا مع السلامة