عبوات زجاجية لتعبئة الزيوت العطرية من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: طب كنت عايز بس أعرف هل عند حضرتكم في عبوات زجاجية أو بلاستيكية بتتباع؟

المهندس منسي: عندنا عبوات بلاستيكية بنعملها بالطلب لحساب العميل

العميل: آه يعني لازم اسطمبة مافيش حاجة جاهزة يعني؟

المهندس منسي: هوه إنت هتعبي إيه؟

العميل: هعبي زيت عطري، بس زيت مش.. أنا وكيل زيت عطري

المهندس منسي: آه

العميل: هوه من كام لكام السعة؟

المهندس منسي: يعني عايز حاجة تشيل 100 مللي مثلاً

العميل: شكل معين ولا أي شكل؟

المهندس منسي: لا عايز شكل ظريف كده، يعني حاجة هتباع للناس، يعني حاجة تكون بريستجيها عالي شويه

المهندس منسي: طب صممها ونعملها لك أحسن عشان خاطر الديزاين بتاعك هوه اللي شغال، ما حدش يضربلك المنتج

العميل: ما هو أنا ما أكدبش عليك يا باش مهندس والله تكلفة الاسطمبة دي حالياً مش متاحة

المهندس منسي: آه…

العميل: عشان كده بدور على حاجة جاهزة يعني

المهندس منسي: عموماً إحنا بنحاول شويه كده قدامنا شهرين 3 يبقى عندنا حاجات جاهزة

العميل: شهرين 3… يعني مافيش حاجات جاهزة

المهندس منسي: ما هو بنعمل اسطمبات دلوقتي، بنقي اسطمبات وبنحاول نعملها وكده

العميل: طب مافيش أي حاجة بلاستيكية يعني؟

المهندس منسي: ما هو المفروض إن إحنا بنعمل عبوات خاصة بالعميل لحسابه

العميل: آه..

المهندس منسي: فقدامنا شويه كده نعمل عبوات تتباع لأمة لا إله إلا الله، هنعمل إيه؟؟؟ الناس عايزه كده، مش مهم عندها تحمي منتجها

العميل:أوكيه يا باش مهندس، شاكرين أفضالك

المهندس منسي: العفو مع السلامة