عبوات من شركة المهندس منسى
العميل: سلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: لو سمحت يا فندم ألاقي عندكم العبوة الـ 250 مللي اللون العسلي؟
المهندس منسى: آه… آه.. هوه حضرتك عايز كمية أد إيه؟
العميل: والله كنا محتاجين كمية منها يعني، كنا عايزين 2500 تقريباً كده بداية كده كنا عاملين منها عينات لمنتج جديد فكنا عايزين نعمله تست يعني
المهندس منسى: آه.. هوه إحنا بنصنع الاسطمبة وبناء على الاسطمبة بنبدأ ننفذ العبوة
العميل: آه…
المهندس منسى: على أساس خصوصية العميل بنحافظ على المنتج، بنصنع الاسطمبة وبناء على الاسطمبة بنبدأ ننفذ العبوة، الاسطمبة بتتكلف
العميل: لازم مفيش عندكم عبوات جاهزة
المهندس منسى: لا ما هو غلط إنك تعمل منتج حاجة قيمة تاخد عبوات جاهزة
العميل: لأ أنا فاهم قصدك
المهندس منسى: إحنا بنشتغل على خصوصية العميل
العميل: آه أنا فاهم الفكرة عشان دخلت على الموقع عندكم لقيت عبوات وكده يعني
المهندس منسى: اللي إنت شايفه على الموقع ديت سابقة أعمال
العميل: تمام…
المهندس منسى: وعندنا برده المكن اللي بيعبيها والمكن اللي بيغلفها
العميل: لا ما أنا عارف أنا جيت عندكم من فترة كبيرة بس أنا بصراحة قلت أجيب من عندكم لو في عبوات، إنت عارف الموضوع لسه جديد في الأول يعني مش عايز الشركة مش عايزه تكلف الدنيا في الأول
المهندس منسى: آه…
العميل: واخد بالك، طب ما تعرفش حد مصنع كده شغال معاكم نعرف نجيب منه الحاجة دي
المهندس منسى: والله يا سيدي لو قلتلي أرشحلك أي حد في الحقيقة صعبة، لأني قطعت علاقتي بالناس كلها، بيكدبوا كتير مش عارف ليه؟؟؟؟
العميل: معلش بقى هوه ده السوق هنعمل إيه؟؟ نستحمل هنروح فين طيب
المهندس منسى: ماشي يا غالي
العميل: ماشي يا ريس
