عبوات معطر بخاخة من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : باش مهندس منسي

المهندس منسي : أهلاً بيك

العميل : بكلم حضرتك من بلقاس من المنصورة

المهندس منسي : أهلاً وسهلاً

العميل : الله يكرمك يا باشا، إحنا كنا حضرتك بنسأل على نوع إزازة اسطوانية مش بي في، بلاستيك عادي

المهندس منسي : آه

العميل : فيه في حدود 500 مللي و300 مثلاً 350

المهندس منسي : حضرتك هتعبيها إيه؟

العميل : معطرات بخاخ يعني بخاخ

المهندس منسي : آه.. هوه يعني إنت عايزها من بي إي تي شفاف

العميل : لا مش عايزها شفاف عايزها مصمتة يعني مش شفافة يعني

المهندس منسي : ماشي حاضر

العميل : موجودة حضرتك المقاسات ديت اسطوانية تكون دائرية مش زي البخاخ العادي يعني

المهندس منسي : نشوف بس الشكل اللي عايزه والكمية اللي حضرتك عايزها…

العميل : إنت عارف حضرتك إزاز اللي هوه العطور والحاجات ديت

المهندس منسي : ما هوه أنا لو عرفت كل حاجة حد قالي عليها يبقى أنا هعرف العالم كله

العميل : آه.. اسطوانية.. اسطوانية بس…

المهندس منسي : ابعتلي بس صورة الحاجة على الإيميل هيتابعوا معاك إن شاء الله

العميل : حاضر يا باشا، طب إحنا لو حبينا نيجي المعرض…

المهندس منسي : إنت تيجي تنور الدنيا كلها

العميل : الله يكرمك فين بالضبط في القاهرة

المهندس منسي : إحنا عندنا حدائق القبة، مدينة نصر، باب الشعرية

العميل : الرئيسي فين اللي حضرتك تكون موجود فيه؟

المهندس منسي : ما هوه عادي، همه كلهم رئيسي عادي، هوه كل فرع مستقل بذاته ما تقلقش، كلهم هيتعاملوا مع حضرتك كما لو كنت أنا موجود بالضبط

العميل : ماشي يا باشا

المهندس منسي : كلهم حد محترم منقيهم على الفرازة يعني ناس محترمة، أهم حاجة عندي الاحترام وبعد كده الأرزاق بتاعت ربنا

العميل : والله ده يعني إحنا بنتعامل مع كام مصنع قولتلهم إحنا مش هنتعامل إلا مع المهندس منسي لأنه راجل محترم وبيتكلم معانا بأسلوب ظريف ومحترم عشان كده هنتعامل معاه، وخد شريكي برده معاك أ/ حسن أبو الفتوح أهوه يكلمك يمكن هوه فنياته أعلى مني يعني آسفين لإزعاجك الأول وكل عام وإنت بخير

المهندس منسي : الله يسلمك يا غالي ولا يهمك

العميل : والله بعد إذن حضرتك يعني هوه استفسار الحجم اللي هوه نص والحجم اللي هوه 300 أو 350 أو ربع مثلاً، هل متوفر عندكم الأحجام دي؟

المهندس منسي : ما هوه إحنا عندنا أحجام كتيرة ولكن الشكل نفسه والخامة اللي حضرتك هتحتاجها

المهندس منسي : يا إما بلاستيك يا بي تي مش فارقة يعني

العميل : قصدك بولي إيثيلين أو بي إي تي

المهندس منسي : آه مافيش مشكلة المصطلحات ممكن تختلف معايا

العميل : آه… ماشي بس شوفلي الشكل اللي إنت عايزه إيه

المهندس منسي : طب الموقع بتاعكم على النت فيه صور المنتجات مثلاً بحيث حضرتك عارف إحنا من المنصورة فأبقى آجي على شيء متوفر

العميل : إنت من في المنصورة

المهندس منسي : أنا من ميت مسعود

العميل : أهلاً وسهلاً تشرفنا

المهندس منسي : إنتوا جنبكم بلد اسمها الستاموني؟

العميل : ستاموني مركز بلقاس.. نعم

المهندس منسي : ستاموني ديت لينا قرايب كتير فيها

العميل : أهلاً وسهلاً تشرفنا يا فندم تشرفنا

المهندس منسي : طيب بقول لحضرتك حاجتين إذا أمكن يعني، يا إما الموقع يكون عليه صور المنتجات هندخل عليه ونشوفها…

العميل : ما هي القضية إن أغلب…

المهندس منسي : يا إمتاً حاجة تانية إذا كان متاح تبعت صور على الواتس آب…

العميل : ما هوه أنا لو بعت صور أكتر.. بص في أكتر من 3 ـ 4 شكل

لأ أنا بتكلم على الحجم ده بس

المهندس منسي : ما أنا جايلك في الكلام، الحجم ده أو أي حجم بيبقى فيه أكتر من 3 ـ 4 آلاف شكل، فإحنا سياسة الشركة بتقول إيه، سياسة الشركة بتقول إن إحنا بنصنع الاسطمبة الأول وبعد ما بنصنع الاسطمبة بناء عليه بنبدأ ننفذ العبوة

العميل : آه.. لأ في ملحوظة مهمة برده عشان تكون معايا، أنا بتكلم على اللي عنده.. إن إنتم عندكم اسطمبتها

المهندس منسي : بص يا سيدي في عندنا 120 اسطمبة معروضين للبيع حضرتك ممكن تيجي تنقي الاسطمبة وتقولي الاسطمبة دي بتاعتي

العميل : تمام… تمام… يعني الاسطمبات المتوفرة اللي هي بتاعتكم…

المهندس منسي : بص يا سيدي إحنا معندناش اسطمبات بتاعتنا، إحنا دائماً وأبداً متخذين سياسة إن إحنا بنعمل للعميل اسطمبته بحيث إن المنتج بتاع حضرتك يبقى مميز في السوق، ما ينفعش إن المنتج أعملك اسطمبة وأفضل أبيع فيها لأمة لا إله إلا الله

العميل : آه.. أصلاً بعد إذنك يبقى أنا كده فهمت سياسة حضرتك

المهندس منسي : آه…

العميل : فأنا بتعامل مثلاً مع مصنع شبرا في البساتين

المهندس منسي : مثلاً

العميل : وبتعامل مع مصنع مطاوع، اسطمبتهم عندهم وأنا باخد منهم وخلاص

المهندس منسي : بيدولك العبوة أي حد يشتري من العبوة دي يجيي يشتري، ما ينفعش

العميل : إنتوا سياسة تانية يعني.. تمام

المهندس منسي : لكن أنا النهاردة بعمل لحضرتك عبوتك وبحفرلك الشعار بتاعك عليها واخد بالك، زي الشركات اللي حضرتك بشوفها…

العميل : طب بالمرة سؤال أخير جيه في دماغي وإنت بتتكلم معايا

المهندس منسي : اتفضل

العميل : أنا عندي اسطمبة طبعاً وحاطيطها في مصنع هنا جنبي في المنصورة بيعملي شغلي بيها يعني بتاعتي.. ممكن أبقى أجيبها معايا عندكم حفر وكلام من ده على الاسطمبة وكده يعني

المهندس منسي : عندنا آه

العميل : يعني ممكن أحفر على الاسطمبة اللي أنا مش كاتب عليها اسمي

المهندس منسي : مافيهاش مشكلة لأ

العميل : بحيث أبقى أجيبها معايا وأنا جاي من هناك

المهندس منسي : ماشي يا غالي

العميل : طيب شكراً يا فندم شكراً إن شاء الله نعملكم زيارة زي ما قلت بقى زيارتكم تبقى في القاهرة ولا لكم مكان تاني…

المهندس منسي : آه.. في القاهرة آه

العميل : في المكان اللي هوه جنب العتبة ده

المهندس منسي : ماشي باب الشعرية

العميل : آه

المهندس منسي : إحنا عندنا حدائق القبة، مدينة نصر، باب الشعرية براحتك

العميل : المكان الأنسب إيه؟

المهندس منسي : هبعتلك العنوان بتاع باب الشعرية في رسالة دلوقتي حالاً

العميل : باب الشعرية تمام.. أنا كنت عملت زيارة مرة لباب الشعرية من زمن يعني

المهندس منسي : ماشي يا غالي

العميل : شكراً.. شكراً.. مع السلامة