عبوة 3 لتر مسحوق جيل من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: باش مهندس منسي

المهندس منسي: أيوه

العميل: مع حضرتك محمد محمود

المهندس منسي: أيوه اتفضل

العميل: إحنا عايزين عبوة تشيل 3 لتر مسحوق جيل

المهندس منسي: آه

العميل: عايزين منكم حاجات لوكيشن ليها

المهندس منسي: لوكيشن إزاي؟

العميل: عرض سعر، بكام بكذا

المهندس منسي: عايز كمية أد إيه؟

العميل: والله إحنا عايزين عرض على ألف و 5000 كتجربة

المهندس منسي: لا إحنا بنصنع العبوات بالطلب لحساب العميل، يعني الشركات الكبرى بتجيلنا عشان خاطر تحمي منتجاتها، تقوم تقولنا صنعولنا عبوة، نقوم مصنعين عبوة بالشكل المعين ليهم همه وما نقدرش نعمل لحد تاني… شكل مميز ليهم همه، واخد بالك

العميل: تمام

المهندس منسي: إحنا بنتعامل على خصوصية العميل

العميل: طيب ماشي إيه المشكلة ما هو أنا طالب من حضرتك كده

المهندس منسي: آه… تكلفة الاسطمبة هتبقى في حدود 2، تبدأ من ، أما في حالة حضرتك 3 لتر ده مقاس كبير فده هيبقى سعرها حوالي 2

العميل: تمام… للاسطمبة

المهندس منسي: للاسطمبة بس… وبعد كده نبدأ ننفذ العبوات بناء على الاسطمبة

العميل:  طب أوكيه ماشي، مافيش حاجة تعتبر ستاندر لكل الناس ممكن نشتغل عليها؟

المهندس منسي: ما هو ده مش الإطار اللي شغالين فيه، إحنا بنشتغل في إطار الخصوصية للعميل

العميل:  ماشي بس أكيد في حاجة تكون جينرال، أقدر إن أنا أستخدمها

المهندس منسي: ما هو الجينرال دي ما تبقاش شركة بقى، يبقى حد بيجرب حظه

العميل:  لا مش بيجرب حظه ولا حاجة، هي الفكرة كلها مش كدا

المهندس منسي: هاتلي شركة واحدة حضرتك بس نزلت منتج كده إن جينرال

العميل:  لأ هوه الفكرة تبقي حاجه موجوده ستاندر

المهندس منسي: لازم يميز منتجه، طالما شركة وبتحافظ على اسمها ومنتجها يبقى لازم تميز منتجها، أما جينرال ديت بيبقى حد بيعمل شويه حاجات ويرميهم في الموسكي والحاجات دي فده مش تبعنا

العميل:  لا الموضوع مش موضوع يرميهم في الموسكي ولا حاجة

المهندس منسي: كان بودي إن أنا أساعدك، يعني كان بودي إن كان يبقى عندي حل

العميل:  طب شكراً جداً ليك