علب حرارية  بغطا شفاف من شركة المهندس منسي

  

علب حرارية بغطا شفاف من شركة المهندس منسيالعميل: السلام عليكم

المهندس منسي: عليكم السلام ورحمة الله وبركاته

العميل: عبوات المهندس منسي

المهندس منسي: أيوه

العميل: معاك هاني شركة فالكوم جروب

المهندس منسي: أهلاً وسهلاً

العميل: أهلاً بيك يا فندم، كل سنة وحضرتك طيب.. كنت بسأل على العبوات اللي هي واحد عين، والـ 2 عين اللي همه بيبقى لونها البني المحروق أو الأسود اللي بيخشوا الميكروويف التسخين بتوع الوجبات

المهندس منسي: آه.. الأطباق يعني؟؟؟

العميل: اللي هي العلب أو الأطباق، اللي هي 1 عين، و 2 عين

المهندس منسي: آه

العميل: أنا عايز 3 أشكال، وكميات، كميات كبيرة مش صغيرة يعني

المهندس منسي: يعني في حدود أد إيه؟؟؟

العميل: يعني ممكن الصنف الواحد نعمل حوالي 50-60 ألف… وده شهري

المهندس منسي: طب في شكل معين حضرتك عايزه ولا…

العميل: عارف بتاع شادي باك، أنا ممكن أجيبلك العينات من شادي باك، أنا كنت بتعامل مع شادي باك، فالعينات بتاعت شادي باك، اللي هي 1 عين، اللي هوه الغطا بتاعه شفاف الأبيض اللي فوق، وتخش الميكروويف

المهندس منسي: هوه عموماً إحنا بنعمل كستومايز، يعني إعدادات خاصة، مش عندنا اسطمبات وبنصنع عليها

العميل: يعني إنت عندك اسطمبات؟؟

المهندس منسي: لأ يعني هنعمل اسطمبة خاصة بحضرتك، يعني حضرتك هتجيبلنا الشكل وهنعمل اسطمبة خاصة بحضرتك

العميل: بس الاسطمبة هتبقى مكلفة، أنا هعمل اسطمبة عشان أجيب حاجات، طب ما هو الحاجات متوفرة أصلاً… طب إنت ما عندكش أشكال معينة؟؟

المهندس منسي: لأ إحنا بنعمل بناء على الشكل المقدم من العميل، أما لو عملية الاسطمبة هتضايق حضرتك إحنا ممكن نحطها على المنتج…هوه كده كده كل الناس بنحطها على المنتج

العميل: بتحط على المنتج، طب ما التكلفة برده ما هو أنا مرتبط بسعر توريد

المهندس منسي: يعني تتخيل مثلاً إن أي مصنع بيعمل الاسطمبات دي مجاناً، محبة؟؟!!! ما هو لازم يضيفها على المنتج

العميل: أيوه آه ماشي بيحطها على المنتج، بس المنتج يبقى سعره معقول.. إنت مكان حضرتك فين يا باش مهندس؟

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر

العميل: أيوه.. يعني آجي أقابل حد مين؟؟ حضرتك المسئول مثلاً آجي أقابلك في أي حتة أجيلك

المهندس منسي: في فريق مبيعات موجود في كل فرع من الفروع

العميل: فين في مدينة نصر؟

المهندس منسي: هبعتلك العنوان في رسالة حالاً

العميل: تمام… في مدينة نصر في أنهي حتة؟

في مكرم عبيد

العميل: فين في مكرم عبيد؟

المهندس منسي: آخر مكرم عبيد قدام عمر أفندي

العميل: طب إنتم الإدارة فين أصلاً لو عايز آجي مش هبعت حد، ما هو أنا ممكن أبعت حد ياخد أسعار، لكن أنا عايز أقعد مع حد مسئول

المهندس منسي: هوه اللي موجود في الفرع هناك مسئول، مسئول كبير كمان ده مدير فرع

العميل: اللي هوه في مدينة نصر؟؟

المهندس منسي: آه في كل فرع هتلاقي في مدير فرع مسئول عن كل حاجة

العميل: طيب اسمه إيه حضرتك؟

المهندس منسي: اسمه المهندس أحمد حسن

العميل: تمام مع السلامة

المهندس منسي: مع السلامة