ماكينات التغليف بالشرينك من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : باش مهندس منسي
المهندس منسي : أيوه
العميل : أنا كنت جبت رقم حضرتك من على النت بخصوص مكن التغليف الشرينك
المهندس منسي : آه
العميل : عندي منتج عبارة عن كورة فوارة الكورة دي بتتحط في المياه بتفور وبتعمل أشكال ألوان وليها كذا فوائد طبية، الكورة دي بتبقى مكونة من بودر، في مكنة شرينك ممكن أحط فيها المنتج ده، يعني تبقى مكنة صغيرة، مكنة تغليف صغيرة؟
المهندس منسي : آه.. هوه مكن التغليف موجود
العميل : تمام… أنا شفت الحاجات دي محطوطة على النت بس أنا مش عارف إيه المناسب للمنتج اللي أنا بقول لسعادتك عليه ده
المهندس منسي : آه هوه يستحسن لو حضرتك شرفتنا بالزيارة وجبت المنتج معاك
العميل : مافيش مشكلة، طب حضرتك المكان فين؟
المهندس منسي : هبعتلك العنوان في رسالة حالاًى إحنا عندنا حدائق القبة، مدينة نصر، باب الشعرية، 6 أكتوبر
العميل : طب أنا ساكن في مصر الجديدة في الزيتون، أقرب حاجة فين؟
المهندس منسي : براحتك بقى، أنا بقولك إحنا عندنا حدائق القبة، مدينة نصر، باب الشعرية، 6 أكتوبر
العميل : حدائق القبة كويس
المهندس منسي : هبعتهولك في رسالة حالاً
العميل : طيب هوه مكن الشرينك الصغير بيبدأ من كام تمنها؟
المهندس منسي : ثانية واحدة
العميل : اتفضل يا باشا
المهندس منسي : بيبدأ من 7200 جنيه مصري
العميل : دي أصغر حاجة
المهندس منسي : آه أصغر حاجة آه
العميل : آه… طب مافيش حاجة مثلاً نص أتوماتيك أو…. بص أنا لما أجيلك نفهم القصة دي كلها
المهندس منسي : آه… هوه اللي إنت هتروحله واحد اسمه منذر أو يزل، إنت هتتعامل معاه
العميل : آه…
المهندس منسي : ده مدير الفرع هناك
العميل : طيب خلاص ماشي يا باشا
المهندس منسي : أوكيه متشكر جداً كتر خيرك
العميل : مع السلامة
