ماكينات الفاكيوم تشكيل من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: شركة المهندس معايا

المهندس منسى: أيوه

العميل: أيوه يا فندم أنا كنت قريت الإعلان على النت بخصوص مكنة الفاكيوم،كنت بسأل حضرتك على نوعية المكنة اللي هي بتصنع الاسطمبات بتاعت جرابات التليفون والاسكرينة

المهندس منسى: آه.. آه… هوه المكنة هاتلي بس الأشكال اللي إنت عايز تصنع زيها ونبص عليها

العميل: آه يعني أنا مثلاً عايز أخش في تصنيع شغل الاسكرينة، عارف حضرتك الاسكرينة؟

المهندس منسى: لأ

العميل: بتاعت المحمول، التليفون، البلاستيكاية اللي بتتحط على الشاشة من فوق

المهندس منسى: آه… دي تتصنع بقى بالفاكيوم؟

العميل: أنا بسأل حضرتك هي بتتصنع بالفاكيوم؟ والجراب اللي هوه البلاستيك

المهندس منسى: أنا ما أعرفش الجراب ولكن الاسكرينة عموماً بتبقى فلات هتتصنع… مكنة الفاكيوم بتشكل البلاستيك، بتشكله مش بتعمله مسطح

المهندس منسى: آه….. إنت تقصد حضرتك…،اللي هتغلف بيها الاسكرينة هي دي اللي هتعملها

العميل: آه…. يعني هي ما بتصنعش هي بتعمل اسطمبات بس

المهندس منسى: آه تعمل أشكال

العميل: ولكن… أنا بتكلم على شكل الاسكرينة مثلاً ما تصنعوش؟

المهندس منسى: ما هو شكل الاسكرينة ده فلات هيتعمل على مكنة فاكيوم إزاي؟؟؟ ده فلات، بييجي ألواح ويتقطع

العميل: آه… تمام…. والجرابات برده

المهندس منسى: الجرابات بقى حسب شكل الجراب نفسه

العميل: طيب عند حضرتك متخصص مثلاً أنواع إيه؟؟ يعني مثلاً صناعة الفاكيوم اللي هوه بيصنع الكوبايات…

المهندس منسى: أيوه يصنع الكوبايات وممكن يصنع الجراب اللي هوه المصموت، وبعد كده ديل تاني، الجراب اللي إنت شايفه دوت مش مرحلة تصنيع واحدة، ده عدد من المراحل، وممكن تصنع الغلاف اللي بيتحط فيه الجراب، وممكن تصنع الغلاف اللي بيتحط فيه البطارية، وتصنع الغلاف اللي بيتحط فيه اكسسوارات المحمول

العميل: آه… آه…. الغلاف، تمام.. تمام…

المهندس منسى: الغلاف البلاستيك دوه اللي إنت بتشوفه كده بلاستيك وتبرجه يترج فيه المنتج

العميل: آه.. إنما الحاجات اللي هي زي الجراب دي حاجات بتيجي متصنعة وتتقطع؟

المهندس منسى: زي الجرابات إزاي؟ ما هو في جرابات بتبقى متغلفة جاهز

العميل: طب المادة اللي هي اللي بتعمل الجرابات ديت أو المادة اللي بتعمل الاسكرينة ديت اسمها إيه؟

المهندس منسى: المشكلة إن إحنا عايمين مش شايفين حاجة ولا عارفين إحنا بنتكلم على إيه، هاتلي حضرتك المنتج اللي عايزه وإحنا نبص عليه ونقولك طريقة تصنيعه هتبقى كذا كذا كذا….

العميل: تمام.. تمام… صح كده، تمام، طب إنت حضرتك مواعيدك إيه؟

المهندس منسى: من 11-9 ولكن أنا دلوقتي بره في المغرب، فإنت بقى هتتصل بأي تليفون تاني غير التليفون دوه واتعامل معاه

العميل: يعني إنت حضرتك فين دلوقتي؟

المهندس منسى: أنا في المغرب عايز حاجة من المغرب

العميل: لا شكراً

المهندس منسى: ماشي يا غالي

العميل: ماشي السلام عليكم