ماكينة تعبئة اصابع السكر للكافيهات من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : معاك كريم من بورسعيد يا باشا

المهندس منسي : أهلاً بيك

العميل : الله يخليك يا باش مهندس، والله يا باش مهندس كنت عايز أستفسر عن مكنة تعبئة السكر اللي هي الأصابع بتاعت الكافيهات

المهندس منسي : آه…. ماشي يا باشا اتفضل

العميل : كنت عايز أستفسر بس بالنسبة للأسعار، وبعدين نسأل بعد كده عن القدرة بتاعت المكنة

المهندس منسي : هي السعر بتاعها

العميل : دي استيراد ولا محلي؟

المهندس منسي : مش محلي دي ماركة، ولكن إحنا بنسمي بال عشان الثبات النسبي للسعر، إنما عادي إنت تدفع بالمصري عادي مافيش مشكلة

العميل : آه… يعني هي عامله

المهندس منسي : آه… يعني إحنا بنسمي بال النهاردة عشان لو حضرتك جيت فكرت في الموضوع وجيت نفذت بعد سنة ما نقولكش السعر غلي، إنما لو إحنا سمينا السعر بالمصري هنقعد نجري وراه

العميل : آه.. آه.. تمام

المهندس منسي : تقعد يقولك لا النهاردة بكذا.. لأ إلحق ده النهاردة بكذا.. استنى بس لما نشوفه بكرة هيبقى بكام، طب ما تتأخر عليا يومين… نشوف السعر، إنما دلوقتي أنا بديلك السعر بيبقى ثابت في إيدك تقدر تجيبوا بالمصري في أي وقت

العميل : ده سعر نهائي بالنسبة لك

المهندس منسي : آه دي شركة، مش شركة وبس دي شركة إنتناشيونال

العميل : طب بالنسبة لصناعتها أو مكوناتها

المهندس منسي : دي ماركة.. براند.. يعني إيه، وحد الله، إنت لما تيجي مثلاً دلوقتي تقول توشيبا تيجي تقول دي ماركة، فإنت بتقول مكوناته، هل إنت ليك في مكوناته؟؟

العميل : لأ ما أنا فاهم، أنا لسه بستفسر من حضرتك الماركة دي ماركة إيه؟ ما هو أنا عايز أعرف

المهندس منسي : دي ماركة اسمها ماركة المهندس منسي

العميل : ما هو أنا بتكلم في كده، يعني هي دي قطع وحضرتك بتجمعها عندك، تمام كده؟

المهندس منسي : بنصنع لحسابنا القطع بره، يعني بنعمل إيه؟؟؟ بنعمل تصميمات وديزاينات على برامج الفوتوشوب والأوتوكات، واخد بالك، بعد ما بنعمل التصميمات والديزاين على برامج الأوتوكات ثري دايمنشن بنعملها حاجة اسمها سمينيشن يعني محاكاة بحيث إن إحنا نشوف الدنيا ماشية إزاي، تمام.. الكمبيوتر بقى هوه اللي بيقول الإيرور فين، تمام وكل حاجة تمام وكل حاجة في السيف سايد، نبدأ نبعت للدول اللي تعجبنا، اللي بتتميز في المنتج دوت، يعني مثلاً ميكروكونترول مثلاً اللي هوه التحكم الالكتروني بتاعها مثلاً الدولة دي مثلاً بتعملها، فنبدأ نعمل بناء على مسئوليتنا إحنا.. إحنا المسئولين

العميل : آه… آه

المهندس منسي : وبعد كده إيه نبدأ نجمعها

العميل : تمام.. تمام فهمت حضرتك، طيب دلوقتي يا باش مهندس هي المكنة دي نزل واحد ولا بتبقى 2 نزل

المهندس منسي : لأ هي نزل واحد ما بعملش أكتر من نزل لسبب بسيط، لأنه إنت النهاردة إنت عندك خدمة ما بعد البيع إحنا ملتزمين فيها، فأنا عايز ألتزم معاك، إنت لو عايز 2 نزل كل اللي عليك تعمل حاجة، تجيب مكنتين 2 وتعملهم دايرة واحدة، ما هو الـ 2 نزل سعرها كام؟؟؟ شوف سعرها كام هتلاقي إنك تجيب مكنتين أحسن، لو حصل عندك مشكلة في مكنة يبقى في مكنة شغالة والمكنة التانية بتتصين، طب لو حصل عندك مشكلة في الـ 2 نزل

العميل : صح مشكلة

المهندس منسي : المكنة كلها هتقف، ده رقم واحد، رقم 2 التكنيكال بتاعنا في مصر أنا ببسطله العملية عشان خاطر الدنيا تبقى خفيفة عليه، ما هو أنا كل ما عقدتهاله كل ما كهربتاله كل ما عملته الدنيا فوق وعقدت أكتر كل ما العميل كل ما التكنيكال لف حولين نفسه

العميل : تمام يا باش مهندس

المهندس منسي : فهمت وجهة نظري

العميل : أنا فاهم دماغك مضبوط، آه… طب في آخر حاجتين بس هسأل عليهم، بالنسبة للقدرة الإنتاجية بتاعتها في الدقيقة

المهندس منسي : بص هي القدرة الإنتاجية تتراوح ما بين 3500-7500 كيس في الساعة، يعني إيه؟؟؟ يعني مثلاً إنت بتقول إن العربية بتاعت حضرتك في سرعة 240 كيلو، هل إنت عمرك مشيت على 120؟؟؟

العميل : لأ أكيد طبعاً، بس أنا ببقى عارف القدرة بتاعتي أد إيه؟

المهندس منسي : بس مافيش أكتر من كده إنك تعرف بس القدرة الإنتاجية أد إيه، ولكن هوه…. لحظة واحدة بس أصل أنا قاعد بسمع موسيقى من زنفير

العميل : اتفضل… اتفضل

المهندس منسي : واخد بال حضرتك، فهنا إحنا بنقول القدرة الإنتاجية ديت بتحدد بناء على عدد من العوامل، نعومة السكر بتاعتك أد إيه، يعني الكمية دي هتنزل بسرعة أد إيه، واخد بالك، الورقة اللي إنت هتلحمها هتتلحم على سرعة أد إيه، يبقى الورقة والمادة النازلة اللي هي المادة اللي بتنزل يعني، اللي هي مادة الإنتاج اللي إنت هتعبيها، دي أد بتنزل على درجة أد إيه؟ ففي عوامل لابد أنها تتحكم فينا كطاقة إنتاجية

العميل : تمام…. طيب آخر حاجة بس بالنسبة للقدرة الكهربية بتاعتها بتشتغل على كهربا كام؟

المهندس منسي : كل مكن المهندس منسي معمول على كهربا عادية إلى إذا طلب العميل غير ذلك

العميل : يعني بتشتغل على 220 عادي

المهندس منسي : آه.. طالما المكنة تحمل ماركة المهندس منسي كل التصميمات بتاعتنا متصممة على 220 إلا إذا طلب العميل غير ذلك، لو طلب العميل 360، لو طلب العميل 110، براحته

العميل : آه تمام…

المهندس منسي : لو طلب 24 فولت ولا حاجة، دي حاجات في إيدنا قادرين عليها يعني

العميل : تمام يا باش مهندس، أنا متشكر جداً، شكراً

المهندس منسي : تحت أمرك يا غالي

العميل : الله يخليك الأمر لله واحده، متشكر، مع السلامة