ماكينة شرنك لتغليف البكر من شركة مهندس منسي
العميل: ألو
المهندس منسي: أيوه
العميل: أيوه السلام عليكم بشمهندس محمد
المهندس منسي: المهندس منسي معاك
العميل: يا أهلا وسهلا أنا المهندس سامي شعبان شركة النصر للورق
المهندس منسي: أهلا وسهلا
العميل: بص حضرتك إحنا عايزين نجيب ماكينة شرنك بتغلف البكر معايا حضرتك
المهندس منسي: معاك آه بتغلف البكر
العميل: بتغلف البكر بتبقي عرضية كده دوراه بتشتغلوا في الحاجات ديه
المهندس منسي: إن شاء الله
العميل: أنا كان معايا العرض منكم يعني ورقة من عندكم كده في المعرض فقلت أراجع مع حضرتك كده
المهندس منسي: تحت الأمر بنجبها آه
العميل: الله يخليك بص إحنا إسكندرية شركة النصر للورق برج العرب
المهندس منسي: أهلا وسهلا
العميل: أبعت لحضرتك كده كارت كده على أبعت لك مثلا عالواتس أب ولا حاجة كده
المهندس منسي: ماشي مفيش مشكلة
العميل: ونبتدي نتواصل مع بعض مثلا تبعت لي على الأيميل العروض والحاجات دي
المهندس منسي: إن شاء الله
العميل: ماشي
المهندس منسي: ماشي يا غالي
العميل: بص إحنا هنعوز ماكينتين ماكينة تغلف البكر بيبقي صينية دوراه وفي نفس الوقت البكرة بتلف في مكنها الحاجة دي موجودة عندك أكيد
المهندس منسي: إن شاء الله
العميل: وحاجة تانية أن أنا أحب أغلف طبلية عليها كراتين معمولة ربا
المهندس منسي: آه
العميل: برده نفس الموضوع عندك
المهندس منسي: إن شاء الله إحنا عندنا كل حاجة ما تشمل التعبئة والتغليف
العميل: تمام تمام طيب حضرتك هل ممكن زيارة أو تبعت لنا مثلا بيانات كده على الإيميل نقدر نبص عليها
المهندس منسي: إن شاء الله
العميل: عشان نقول مثلا المقاسات كذا نعمل كذا الحاجات ديه
المهندس منسي: حاضر
العميل: ماشي يا بشمهندس حضرتك بشمهندس أحمد ولا
المهندس منسي: بشمهندس منسي
العميل: منسي أنا هو مكتوب شركة المهندس منسي للصناعات الهندسية وكان مديني كارت كده المهندس محمد أحمد جاد الله معرفش بقي إيه البيانات
المهندس منسي: آه ده أحد مهندسي الشركة
العميل: أنا عموما عالرقم بتاع حضرتك ده هخش على الواتس أب كده وأشوف الدنيا فيها إيه
المهندس منسي: ماشي يا باشا
العميل: ماشي متشكرين يا بشمهندس منسي
المهندس منسي: ماشي مع السلامة
العميل: شكرا يا فندم في سلامة الله
