ماكينة شرنكه سلوتب من شركة مهندس منسي
العميل: ألو
مهندس منسي: أيوة
العميل: ألف سلامة عليك يا باشا
مهندس منسي: الله يسلمك
العميل: صباح الخير يا فندم
مهندس منسي: صباح الخير
العميل: كنت بسأل حضرتك يا فندم هو لو أنا عايز مكنة شرنكه سلوتب
مهندس منسي: اه موجودة
العميل: مش اللي هو السلوتب الشفاف السلوتب الدوكوالتيب الدوكو اللي هوالورق ده
مهندس منسي: عارفه
العميل: تمام طب يا فندم هي في منها أنواع
مهندس منسي: أنواع إزاي
العميل: يعني أنا هاقول لحضرتك أنا دلوقتي فيه أنا هجيب تيب في يعني كمية تيب جيالي من بره نص كونتنر تيب يعني تمام
مهندس منسي: اه
العميل: التيب ده سايب يا فندم، بكرة بكرة
مهندس منسي: بكرة بكرة اه
العميل: تمام كده معايا حضرتك
مهندس منسي: معاك اتفضل
العميل: جايلي هو شغل استوكات زي ما حضرتك فاهم يعني
مهندس منسي: اه
العميل: فانا هشرنكه هشرنك مثلا كل 6 بكرات مع بعض
مهندس منسي: اه المكنة موجودة
العميل: تمام، أنا عايز أفهم بأه هو في المكنة بتشرنك في حاجة اسمها سوستة
مهندس منسي: شرنكه سوستة إزاي
العميل: بمعنى إنه بين كل بكرة وبكرة بيبأه في مثلا مسافة كدة سوستة يعني بحيث ان 6/7 بكرات مع بعض يتفتحوا ويتقفلوا فاهم يا فندم
مهندس منسي: اه
العميل: زي الشغل اللي بيجي من بره كدة
مهندس منسي: اه اه إنت بتحطهم بتحطهم ورا بعض وبتسيب مسافة وبتدخلهم المكنة يطلعوا بالمنظر اللي انت عايزه
العميل: اه يعني مش الفكرة في المكنة يعني
مهندس منسي: لا هو ما احنا بتكلم كدة على ماكنة نص أوتوماتيك الماكنة نص أوتوماتيك دي عاملة 430
العميل: 430
مهندس منسي: اه
العميل: طب وفي أوتوماتيك كامل؟
مهندس منسي: في منها أوتوماتيك كامل يركب عليها خط، خط أوتوماتيك يعملك الحركة دي بس الخط ده غالي ده ب11
العميل: الخط اه
مهندس منسي: فانت عايز مكنة تشتغل نص أوتوماتيك
العميل: تمام يعني ده هيشرنك البكر كله لازق في بعضيه
مهندس منسي: إن شاء الله
العميل: لكنحتى لو أنا حاولت أسيب مسافة بينها ما ينفعش يعني
مهندس منسي: مزبوط اه
العميل: تمام عاملة كم المكنة دي النص أوتوماتيك دي
مهندس منسي: 430
العميل: طب والخامة بتاعتها يا فندم إيه
مهندس منسي: موجودة عندنا
العميل: نعم
مهندس منسي: موجودة عندنا
العميل: الخامة نفسها موجودة برده في خامات منها ولا هي نوع واحد بس
مهندس منسي: نعم
العميل: الورق ده في منه خامات
مهندس منسي: في منه خامات اه
العميل: منه خامات طب ده بيتباع بالكيلو ولا
مهندس منسي: حضرتك عايز تعذب نفسك
العميل: عادي
مهندس منسي: ما هو الخامة موجودة والمكنة موجودة عايز خامة تانية أول ما تقولهم فين دي في تشرنق يقولولك أهي
العميل: لا هي الفكرة بس في حاجة أنا الشغل اللي جاي ده إيطالي تمام
مهندس منسي: هات خامة من الخامة اللي أنت جايب اللي أنت عايز زيها وهم يقولولك أهي ممكن تكون بلوريكس ممكن تكون خامة تانية فما تقلقش هتيجي حضرتك هتجيب الخامة معاك وهديهالك معاك وهتشوف و هتعمل حاجة عالطبيعة
العميل: تقصد أجيب كم بكرة معايا يعني يتغلفو عالمكنة
مهندس منسي: إن شاء الله
العميل: تمام يا فندم طب معلش العنوان بعد إذنك
مهندس منسي: احنا عندنا حدايق القبة مدينة نصر باب الشعرية
العميل: طب مفيش ما لكوش حضرتكوا فرع في المينيا صح ؟
مهندس منسي: لا والله
العميل: تمام يا فندم حدايق القبة باب الشعرية
مهندس منسي: اه
العميل: تمام شكرا يا فندم في مدينة نصر ألف شكر يا فندم
مهندس منسي: مع السلامة
