ماكينة طحن السمسم وعمل الطحينة من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : لو سمحت المهندس منسي أو المنسي

المهندس منسي : أيوه

العميل : إزي حضرتك

المهندس منسي : الحمد لله

العميل : أنا محمود كنت بعمل سيرش كده على المكن بتاع السمسم اللي بيعمل الطحينة، إنتم شغالين في الموضوع ده صح؟

المهندس منسي : إن شاء الله

العميل : إن شاء الله، والله كان في حد زميل ليا قالي اسألي على المكنة اللي بتعمل الطحينة، اللي بيتحط فيها السمسم وتقلبه طحينة يعني، بس فأنا ما أعرفش بقى يعني حضرتك عندك سعة أد إيه؟ المكنة بتبقى بكام؟ كده يعني

المهندس منسي : ممكن حضرتك تبعتلنا طلب استفسار على الإيميل وإحنا هنرد عليه، هي عموماً المكنة ده ابتكار، مش اللي هوه كان متبع قبل كده، اللي كان متبع قبل كده كان بيروح عامل طاحونة ويحط السمسم من فوق ويقعد يهرس بالحجارة وحاجات زي دي، لأ إحنا عملنا ابتكار إن إحنا جبنا مكنة صغنونة كده تقعد تتطحن بتعمل مثلاً 10 كيلو في الساعة

العميل : 10 كيلو طحينة في الساعة

المهندس منسي : في الحدود دي آه، 10-15 كيلو في الساعة

العميل : آه.. آه.. فهمت، ودي بقى بتشتغل بماتور عادي ولا….

المهندس منسي : آه بفيشة عادية، يعني تحطها في أي مكان…

العميل : كويس والله.. كويس

المهندس منسي : يعني لو قلنا مثلاً 15 كيلو يعني هوه لو عمل في اليوم هيعمل 150 كيلو بس هوه يسوقها

العميل : آه.. فهمت، فهمت، طيب ديت يا هندسة مثلاً بتبقى رينجها سعرها في حدود كام مثلاً؟

المهندس منسي : في حدود يعني النهاردة في حدود 32000 جنيه مصري

العميل : آه في الرينج ده، طيب تمام خلاص ماشي أنا هبعت لحضرتك دلوقتي وياريت حضرتك تبعتلي الصورة بتاعتها أبعتها للناس، أنا اسمي محمود الطحان، هبعتلك يعني هكتب لحضرتك السلام عليكم وكده وأستأذن حضرتك بس ابعتلي الصورة أبعتها للناس

المهندس منسي : ماشي يا غالي

العميل : ماشي… ماشي.. شكراً، شكراً مع السلامة