ماكينة طحن وتعبئة زبدة الفول السوداني من شركة المهندس منسي

 

العميل: سلام عليكم

المهندس منسي: عليكم السلام ورحمة الله وبركاته

العميل:  كيف حالك

المهندس منسي: الحمد لله نحمد ربنا ونشكر فضله

العميل: الله يخليك، أنا عبد الواحد من شركة رول بالسودان، كنت بتكلم الأول مع المهندس منذر قالي أتصل عليك، أنا حقيقة عندنا رغبة إن إحنا نعمل خطين بتاع إنتاج واحد لطحن وتعبئة زبدة الفول السوداني، وخط تاني لتحويل الصمغ العربي وتعبئته بصورة حديثة، خط إنتاج حديث أتوماتيك

المهندس منسي:  يعني عايز تتطحنه وتحوله إلى باودر وبعد كده تعبي أتوماتيك

العميل: أيوه، بالإضافة إلى خط لزبدة الفول السوداني

المهندس منسي: آه.. إنت عايز مكنة تتطحن الفول السوداني وتحوله إلى زبدة الفول السوداني وبعدين تعبيه… هتعبيه في أكياس ولا في علب؟

العميل: والله الـ 2 خيارين، علب… هي العلب أفضل….

المهندس منسي:   ما هو عملية الخيارين والدنيا تايهة ديت أنا ما أعرفهاش، أنا أعرف حاجة واحدة حضرتك تحدد هتعمل إيه بالضبط بدل ما أنا آكل في دماغي على الفاضي

العميل: تمام

المهندس منسي:   يعني عايز حضرتك تحددلي عايز إيه بالضبط أبدأ أنا بقى أقولك أوكيه، أبدأ أتعامل، إنما تقولي لا علب.. لا نص أتوماتيك… طب أنا هبقى تايه كده، خش الموقع عندنا واخد بالك، وبص على المكن، افهم منه كل حاجة واتصل بيا تاني

العميل: مع السلامة يا حبيبي

المهندس منسي:   ألف سلامة يا حبيبي