ماكينه فاكيوم لتغليف الاكياس من شركة المهندس منسي

العميل: صباح الخير يا باش مهندس

المهندس منسي: صباح الخير يا فندم

العميل: حضرتك كان في عندي حاجات كده عايز أغلفها بلاستيك أعمل إيه؟؟ أنا جيبت رقم حضرتك من على النت بصراحة

المهندس منسي: ولا يهمك

العميل: هوه التغليف ده بيتحط في كيس ويتلحم ولا التغليف اللي هوه زي الفاكيوم كده؟

المهندس منسي: والله أنواع التغليف كتيرة فلو في دماغك فكرة معينة ممكن تبعتلي شكل التغليف اللي إنت عايز تغلفه وإحنا نقولك آه المكنة دي كذا، لو مش في دماغك فكرة معينة ابعتلنا بس شكل العلب اللي إنت عايز تغلفها، أو شكل الكيس….

العميل: أنا عامل شويه اكياس بتاعت فلتر مياه  ، عندي بتاع 50 كده الأكياس بتاعتهم مهربده، وفي  متغلفة كده فاكيوم، كلها مشفوطة في بلاستيك كده، فكنت عايز أغلفها كده، فمش عارف بقى دي دنيتها إيه، ممكن أصورها لحضرتك وأبعتهولك على الواتس آب مثلاً اللي أنا عايز أغلف زيه؟

المهندس منسي: يعني إنت مش مشروع، إنت عندك 50 كيس كده عايز تعملهم وخلاص

العميل: آه…

المهندس منسي: إنزل هتلاقي في محل بتاع أكياس وشنط تحت البيت، هات شويه أكياس وجنبيه مكنة لحام وإلحمهم وخلاص على كده

العميل:آه… تمام يا فندم.. طب أنا كنت عايز أغلفهم تغليف صح بصراحة

المهندس منسي: أصل إحنا الـ 50 كيس دول مش تبعنا خالص، إحنا بنتكلم في تصنيع وكده، مش واحد عنده 50 كيس عايز يعملهم يعني

العميل: آه.. تمام يا فندم.. تمام أنا آسف لو كنت أزعجت سيادتك

المهندس منسي: ولا يهمك يا غالي

العميل: سلام عليكم