ماكينه شرينك مقدمة من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : كنت بسأل الله يخليك على ماكينات الشرينك

المهندس منسي : تمام.. عندنا منتج كده حجمه 70 × 70

العميل : في ارتفاع أد إيه؟

المهندس منسي : ارتفاع 3 سم

العميل : 3 سم × 70

المهندس منسي : آه… يعني عامل زي السراميك كده

العميل : آه..

المهندس منسي : ماشي حاضر

العميل : إيه المكنة اللي ليها، في حاجة عندكم اسمها ماكينة اللحام اليدوية

المهندس منسي : آه.. إنت عايز مكنة لحام يدوية ولا عايز مكنة شرينك ولا… إنت عايز شكل التغليف بتاعها إيه؟

العميل : اللي هوه الشرينك

المهندس منسي : ما هوه الشرينك دوت ممكن حضرتك تكون فاهم الشرينك غلط، لأنه حضرتك خلط ما بين اللحام اليدوية والشرينك، الشرينك ده تغليف بالسلوفان مشدود شدة جامدة زي علبة الحلويات كده

العميل : تمام…

المهندس منسي : يعني لو شفت علبة حلويات كده تلاقيها مشدود عليها بلاستيك مشدود شدة جامدة كده

العميل : آه.. تمام

المهندس منسي : هوه ده اللي قصد حضرتك عليه؟

العميل : آه.. أمال اللحام اليدوي ده بيعمل إيه؟

المهندس منسي : اللحام اليدوي دوت بيقفل الكيس

العميل : آه… لا إحنا عايزين الشرينك

المهندس منسي : طب حضرتك أستسمحك تشرفنا بالزيارة تجيب المنتج وتيجي تشرفنا بالزيارة تتعرف على المكن كله وإحنا برده نتعرف على المنتج بتاعك بناء عليه هنقولك بالضبط إيه التغليف المطلوب، يعني مكنة إيه اللي هتتطلب

العميل : يعني هقول لحضرتك إحنا المنتج بتاعنا

المهندس منسي : والله الوصف هيبقى صعب جداً علي الواتس، يعني هيبقى صعب صعب يعني فحضرتك تشرفنا بالزيارة وإن شاء الله الناس هتستقبلك كويس

العميل : هوه المقصود بس يا فندم إن إحنا قبل العيد فمفيش وقت، فإحنا المفروض نعرف بس إن شاء الله بعد العيد أنا هاجي كده كده زيارة، ما هوه إحنا لازم نيجي زيارة، إن شاء الله متوسط المكنة اللي بتعمل الكلام ده…

المهندس منسي : ما هوه مكنة إيه، أنا لغاية دلوقتي أنا مش عارف المنتج اللي إنت هتغلفه شكله إيه…

العميل : هقول لحضرتك…

المهندس منسي : ابعتلي شكل التغليف هنا على الواتس

العميل : ما هوه شكل التغليف اللي هوه الشرينك، بس الفكرة الحجم بتاعها حضرتك التابلوه الـ 70 × 70 اللي بيتعلق على الحيطة هوه ده اللي عايزين نغلفه

المهندس منسي : آه زي البرواز كده؟

العميل : برواز على الحيطة 70 × 70 في تخانة 3 سم

المهندس منسي : آه… يعني زي البرواز

العميل : هوه برواز آه

المهندس منسي : برواز آه يتغلف بالشرينك آه…. سلوفان الشرينك الشفاف

العميل : بالضبط

المهندس منسي : آه.. آه موجودة آه

العميل : في مكنة تتطلع اللي هوه 70 × 70

المهندس منسي : إن شاء الله

العميل : تمام….

المهندس منسي : الطول بالنسبة للشرينك مالوش لازمة، هوه المهم عندنا الارتفاع والعرض

العميل : آه… الارتفاع 3 سم والعرض 70

المهندس منسي : عادي إن شاء الله موجودة

العميل : هي المكنة بتعمل كام يا فندم؟

المهندس منسي : السعر ما قدرش أقوله في التليفون لأن ديت هتتعمل إعدادات خاصة، أما اللي موجود في حاجة 430 ، وفي حاجة تانية بتعمل يعني 6000 جنيه

العميل : دي مقاس كام × كام دي أمو دي؟

المهندس منسي : مقاس 20 ارتفاع × 40 عرض، واخد بالك، الطول في الشرينك مالوش لازمة

العميل : طب اللي أنا طلبتها ديت…

المهندس منسي : دي بقى هنقعد مع بعض إن شاء الله ونحسبهالك ونشوف سعرها هيبقى كام

العميل : يعني دي بتبقى مكنة جاهزة ولا حضرتك بتفصلها ولا إيه

المهندس منسي : لا بتتفصل عشان العرض، العرض 70 سم ده عرض واسع، إحنا أقصى عرض عندنا 45 سم، واخد بالك، أما عملية الطول إن شاء الله حتى تكون 10 متر، مافيش مشكلة بالنسبة للطول، عملية العرض بس هي اللي حكمانا، فعملية العرض ديت هنبدأ بقى إيه نمسك المنتج بتاع حضرتك ونعمله دراسة تكاليف، يعني نعمل ورقة كده نحسبها بالضبط تكلفتها هتبقى كام

العميل : طب تقريباً سعرها هيبقى كام؟

المهندس منسي : والله يا سيدي لو كنت أعرف تقريباً ما كنت غلبتك كنت قلتلك على طول

العميل : ماشي يا باشا إنت شكلك مش فاضي سلام عليكم