مكنة طحن السمسم لعمل الطحينة من شركة مهندس منسي

العميل : ألو.

المهندس منسي: السلام عليكم.

العميل: وعليكم السلام، البشمهندس/  منسي.

المهندس منسي: أيوة.

العميل: أيوة يا باشا لو سمحت حضرتك أنا كنت بسأل بالنسبة للمكنة بتاعة طحن السمسم لعمل الطحينة تتكلف كام؟ اللي هي سعة 100 كيلو .

المهندس منسي: آه بتعمل في حدود يعني 12ألف.

العميل: 12 ألف؟

المهندس منسي: آه.

العميل: طيب أنا لو بالنسبة لحضرتك مفيش مكان، يعني أنا دلوقتي في طنطا تمام.

المهندس منسي: امم.

العميل: فيه حضرتك فرع مثلا في طنطا ولا حاجة؟ لأن أنا عايز أعمل مشروع السرجه اللي هو بتاع عمل الطحينة و الحلاوة الطحينية و الزيت و الحاجات دي كلها .

المهندس منسي: آه.

العميل: فأنا قعدت أدور كتير فلقيت حضرتك على الفيس وعلى الواتس أب و وصلت لك يعني .

المهندس منسي: آه.

العميل: طيب حضرتك أصلا المقر الشركة فين؟ يعني أنا لو حبيت أتواصل مع حضرتك وأجي لك.

المهندس منسي: إحنا عندنا باب الشعرية حدايق القبة و مدينة نصر.

العميل: في باب الشعرية.

المهندس منسي: آه .

العميل: طيب أنا هحدد مع حضرتك معاد كده إن شاء الله يعني الأسبوع الجاي بإذن الله أكلم حضرتك تاني تمام، أكون أنا موجود في القاهرة وأقابل حضرتك إن شاء الله .

المهندس منسي: هبعت لك تليفون المبيعات بقى تابع معاهم قول لهم عايز المتجانس الصغير اللي عندهم .

العميل: مفيش مشكلة يا باشا لو حضرتك تبعتهولي ماشي علىـ.

المهندس منسي: هي نوعين فيه منها صغير وفيه منها كبير.

العميل: أنا لسه عايز أبدء كمشروع لسه صغير في قرية

المهندس منسي: و لا حاجة .

العميل: تمام، نعم.

المهندس منسي: هبعت لك تليفونهم دلوقتي في رسالة.

العميل: طيب ماشي يا باشا لو على الواتس على نفس الرقم برضه ده بعد إذن حضرتك.

المهندس منسي: هبعته عليه عادي.

العميل: خلاص ماشي يا باشا أكون شاكر لحضرتك جدا .

المهندس منسي: العفو مع السلامة.

العميل: ماشي يا باشا مع السلامة.