مكنة خلط العطور من شركة مهندس منسي

المهندس منسي: السلام عليكم.

العميل: وعليكم السلام، شركة المهندس/ منسي؟

المهندس منسي: أيوة.

العميل: طيب لو سمحت أنا معاك/ مصطفى أنا عايز أسأل في عندكم مكنة اللي هي بتخلط العطور؟

المهندس منسي: آه.

العميل: اللي هي بتخلطهم مع بعض في درجة حرارة معينة.

المهندس منسي: آه لا دي نعملها بالطلب أما المكنة الخلط العطور، الخلط العادي دي موجودة أما اللي هي بتبقى تحت درجة برودة.

العميل: آه.

المهندس منسي: دي بنعملها بالطلب.

العميل: دي بالطلب.

المهندس منسي: امم.

العميل: تمام إنما العادية موجودة؟

المهندس منسي: إن شاء الله.

العميل: طيب سعرها كام؟ حضرتك.

المهندس منسي: .

العميل: ، الدفع بيبقى بال ولا بالمصري؟

المهندس منسي: بالمصري.

العميل: طب ماشي، طيب واللي هي بالطلب؟

المهندس منسي: لا دي حضرتك بقى بنقعد مع بعض وبنشوف مواصفاتها ويستحسن لو بعت لنا على الايميل طلب استفسار بيردوا عليك فريق المراسلات بعد ما يقعدوا مع فريق المهندسين.

العميل: امم طيب خلاص ماشي، طيب بالنسبة للعادية دي اللي هي بيستخدموها اللي هما زي قعباز مثلا وشركة جولتشي اللي هي التركية اللي الفاتحة في مدينة نصر و الكلام ده ولا غيرها؟ ولا متعرفش معندكش فكرة؟

المهندس منسي: أنا مش عارف الشركات دي أساسا.

العميل: امم طيب ماشي، بس هي اللي بتخلط العطور مع بعض اللي هي المكونات بتاعته.

المهندس منسي: امم.

العميل: فيها عدد لفات والكلام ده.

المهندس منسي: آه فيه اكتر من 100 مصنع واخدينه مننا

العميل: تمام بس هي أهم حاجة أن هي فيها تقريبا فيها حاجة بعدد لفات معينة هي اللي بتخلط مع بعض أصل أنا عايز أتأكد اللي هي اللي في دماغي.

المهندس منسي: تعالى بقى أتأكد منها على الطبيعة.

العميل: امم طيب موجود هاجي لكم في باب الشعرية.

المهندس منسي: أتفضل يا أستاذ.

العميل: خلاص بإذن الله ماشي، انتوا العنوان بتاعكم اللي هو باب الشعرية؟

المهندس منسي: آه عندنا باب الشعرية و حدايق القبة ومدينة نصر.

العميل: طب بإذن الله ماشي أوكيه شكرا.

المهندس منسي: مع السلامة.

المهندس منسي: إيه يا منذر.

العميل: ازيك يا هندسة.

المهندس منسي: حبيبي الغالي.

العميل: الله يخليك أخبارك إيه؟عامل إيه؟

المهندس منسي: الحمد لله نحمد ربنا ونشكر فضله.

العميل: الحمد لله، نازل المعرض؟

المهندس منسي:هروح المعرض النهار ده؟

العميل: فيه معرض؟ آه

المهندس منسي: أنا مش عايز أروح، إذا كنتوا انتو هتروحوا ماشي إنما أنا بالنسبة لي مش عايز أروح.

العميل: ليه؟ ده جميل المعرض ده.

المهندس منسي: أنت روحته؟

العميل: لا بس يعني على حسب الناس اللي قالتلي نازلة نازلة في ناس كتير نازلة

المهندس منسي: ما هو إحنا باعتين باعتين بورشورات

العميل: أبعت لي بورشورات الحاج/ شوقي

المهندس منسي: آه مهو أنت أبقى أبعت بورشورات الحاج/ شوقي علشان المعرض يبقى شغال لأنه الحاج/ شوقي ملهوش دعاية.

العميل: آه آه.

المهندس منسي:فا لو اشتغل هيحقق دعاية فالدنيا هتتحرك فا هنشوفه لو اشتغل يبقى ندخل من السنة الجاية لو ما اشتغلشي يبقى خلاص الحمد لله إن إحنا مدخلناش

العميل: المعرض أصله جميل، ربنا يقدم اللي فيه الخير.

المهندس منسي: إنما بروح بقى بقعد أقابل مين؟ بقعد أقابل مش عارف/ أحمد عبد الوهاب، على /محمد عبد الرسول، على مش عارف/ عمرو.

العميل: حبيبك مش نازل.

المهندس منسي: مين؟ حمادة؟

العميل: حمادة الحبيشي اعتذر.

المهندس منسي: آه بروح أقابل مين؟ بروح أقابل ده و ده وكل واحد يقول لك كلمتين ما لهمش لازمة على إيه؟

العميل: آه.

المهندس منسي: بيحبوني آه و لكن ……..

العميل: امم مش هتخلص في ساعتين تلاتة.

المهندس منسي: آه، وكلها مقابلات في الأخر ما بنعملش حاجة في أي حاجة .

العميل: هننزل نشوف أفكار جديدة مكن جديد مكن كده يعني حاجات جميلة يعني.

المهندس منسي: أفكار جديدة هتنزل في مصر! أنت بتهزر!

العميل: ده السوريين عندهم شغل جميل أوي أوي يعني.

المهندس منسي: يا بني السوريين بيقلدوا دايما الخمسينات أخدين على الكتل

العميل: خمسينات إيه يا هندسة دي المكنة السورية عاملة 200 ألف ، 160 ألف

المهندس منسي: ما هو قال لك مال الحمير كبرت قال لك من كتر علشان عدد الركيبة ما هو شعب غبي.

العميل: دلوقتي يا هندسة لما مكنة تشغلها مثلا 20 ساعة تمام من غير ما تقول لك أي حاجة وتشغلها 5 سنين ما تحطش فيها مسمار.

المهندس منسي: يا حبيبي ماشي على عيني و على راسي.

العميل: يعني خمسينات ولا 2015 هي أخر حاجة المهم الإنتاج الأداء.

المهندس منسي: يا حبيبي أنت عامل زي عبد اللطيف هتتعبني يا حبيبي النهار ده مكنة أد كدهوه تهمة أد كدهوه و لا مكنة تكون مبسطة أنقلها في أي مكان بسرعة ؟

العميل: آه.

المهندس منسي: فهمتني؟ قال لك مهو زبون حمار، مهو لو زبون بيفهم هيقول لك لا طبعا إنما زبون حمار بياخد بالوزن.

العميل:  تخمه.

المهندس منسي: والبتاعة رافعة راسها كده يشوفها رافعة راسها تقولش رايح يشتري جاموسة علشان يدبحها وبعدين دول بيحسبوها صح، يقول لك إن أنا دلوقتي لو أنا المهندس منسي هكسب في المكنة جنيه معايا.

العميل: آه.

المهندس منسي: لا أنا أعمل مكنة تكلفني 50 ألف جنيه وأبيعها بـ 200 ألف جنيه أكسب 150 ألف جنيه معايا؟ في زبون واحد أد المهندس/ منسي اللي كسبه في 30زبون.

العميل: آه.

المهندس منسي: مظبوط ولا مش مظبوط؟

العميل: ويروق دماغه.

المهندس منسي: هه يعني دلوقتي المهندس/ منسي دلوقتي شغال عتال.

العميل: آه.

المهندس منسي: عمال يبيع لـ ده ويبيع لـ ده ويبيع لـ ده و ماشية معاه و…..واخد بالك يا فرحتي شغل عتالة.

العميل: صح.

المهندس منسي: إنما هو بيبيع مكنة واحدة بيبيع مكنة واحدة وأخد بالك المكنة دي  بكام المكنة دي بـ200 كسب فيها كام؟ كسب فيها 150 ألف جنيه مستغل فيها فرصة إيه؟

العميل: آه.

المهندس منسي: مستغل فرصة جهل العميل في الأخر لازم يقدم مكنة، المكنة دية تبقى شكل تاني عن الشكل الموجود في السوق استحالة تبقى نفس الشكل، مهو لو نفس الشكل يبقى أنت بتهزر! يبقى أعمل أيه يبقى اقعد أجيب لها دوشم وحاجات من دية، و بعدين مكنتك مش وحشة مكنتك زي الفل ولكن أنت دائما ما تملكه اليد تزهده النفس، يعني أنت أتجوزت أم/ يزن عمال تبص لنسوان تانية  تقول لو كانت معايا دي لو كانت معايا دي مع إن ام/ يزن ممكن تكون خيرت النسوان.

العميل: الحمد لله.

المهندس منسي: ما أنا بقول لك هي طبيعة الإنسان كده.

العميل: هي أم/ عبد اللطيف أدامك دلوقتي؟

المهندس منسي: هو طبيعة الإنسان كده، ما تملكه اليد تزهده النفس يعني أنت دلوقتي أنت دلوقتي اللهم لا حسد ركبت شيفورليه دلوقتي بذمتك ما بتبص على عربية أعلى؟

العميل: طبعا.

المهندس منسي: هو طبيعة الإنسان كده إنما أنت عارف.

العميل آه.

المهندس منسي: أنت لو جبت المكنة دي هتتف عليها.

العميل: آه.

المهندس منسي: بس ما تقلقش أنا شغال فيها دلوقتي أنا برسم فيها وشغال فيها.

العميل: أنا من امتى قايل لك عليها يا هندسة؟ في حاجات من الصين يا هندسة جميلة كده و صغيرة ملمومة شوية عن المكن.

المهندس منسي: احتمال كبير إن أنا أعملها في ايطاليا.

العميل: آه.

المهندس منسي: مش هعملها في الصين.

العميل: تمام.

المهندس منسي: أصل كلمة صيني دية واخدة رونق إيه، كلمة صيني واخدة رونق كده رخيصة إحنا نعملها ليه في الصين ما نعملها في ايطاليا، أنت عارف لو عملتها في ايطاليا عارف لو عملتها في ايطاليا.

العميل: آه.

المهندس منسي: أرخص ما تعملها في مصر بس تعملها لحسابك مش تروح تشتريها من ايطاليا وتنك جي و تقولي أرخص من مصر لا تعملها لحسابك.

العميل: تمام، ويحط عليها ايطالي.

المهندس منسي: آه أحط عليها ايطالي.

العميل: لما تروح كده أي تقول له دي مكنة ايطالي.

المهندس منسي: ونجيب لها شهادة المنشأ و نجيب لها شهادة المنشأ أهه يا بقر أهه يا بقر أهه ايطالي أهه من ايطاليا يا بقر.

العميل: يا مسهل يا رب.

المهندس منسي: هيبقى أدامه هيختار إيه؟

العميل: إيه.

المهندس منسي: هيبقى أدامه لايطالي وأدامه السوري هيختار إيه؟

العميل: هيختار الايطالي.

المهندس منسي: طيب هما يبيعوها بـ200 أنا هنبيعها بـ250.

المهندس منسي: إحنا بنبيع كام مكنة؟ إحنا بنبيع كام مكنة مثلا بنبيع 15 على 15 شهر مثلا معايا؟

العميل:آه.

المهندس منسي: يعني نبيع في كل سنة ونص مرة مش فارقة معانا بقى.

العميل: ماشي يا مسهل يا رب.

المهندس منسي: طول ما أنت معدي أسفوخس عليكي و على أمك بنت جزمة ، أسفوخس عليكي و على أمك بنت جزمة قهرتينا.

العميل: ليه؟ ما كانت كويسة.

المهندس منسي: محطوطة مش عايزة تتحرك ولو حتى، أنت عايز حاجة تتحرك مش حاجة تنام جنبها.

العميل: لو كانت حاجة كويسة يا هندسة  و ممتازة ليه لا.

المهندس منسي: و ماله.

العميل: جايز نوقف بتاعتنا ونشتغل عليها.

المهندس منسي: يا عم صل على النبي أنا هجيبها لك من العين دي قبل العين دي هجيبها لك.

العميل: عليه الصلاة والسلام.

المهندس منسي: شغال في رسوماتها دلوقتي و إن شاء الله هصنعها في ايطاليا.

العميل: نبص عليها يا هندسة قبل ماتيجي نبص على الرسومات نبص على شكلها قبل ما تعملها أو قبل ما تيجي.

المهندس منسي: ليه ليه؟

العميل: نشوف هي هيبقى شكلها ازاي أو حاجة كده يعني.

المهندس منسي: و ماله حاضر.

العميل: كده أفضل يا هندسة إن شاء الله.

المهندس منسي: ماشي يا منذر.

العميل: ربنا يخليك يا هندسة.

المهندس منسي: هو أنا نص ساعة وأكون عندك أنت مستعجل عليها ليه ما أنا ساعة و أكون عندك.

العميل: ساعة المشكلة  كنت نازل المعرض.

المهندس منسي: أنا ملتزم يا منذر مش زيك.

العميل: أنا كنت نازل المعرض ماشي يا هندسة تيجي تنورني.

المهندس منسي: الله يبارك لك يا غالي.

العميل: الله يخليك

المهندس منسي: أنا مواعيدي دايما مواعيد مقدسة يا منذر.

العميل: آه ربنا يخليك يا هندسة.

المهندس منسي: أختك/ أم عبد اللطيف بتطمن عليك نقلت ولا لسه.

العميل: لا و الله لسه و الله فاضل كده حاجات شوية إن شاء الله

المهندس منسي: ماشي يا جميل عايزين نفرش الفيلا بقي يا منذر علشان خاطر لما نروح نفطر فيها هه؟

العميل: ماشي نجيب كده شوية لحومات ونروح .

المهندس منسي: لا ده إحنا عايزين ننقل فيها إحنا.

العميل: آه لا قصدي نروح يوم خميس جمعة يعني مثلا ، أنت هتنقل فيها على طول يعني.

المهندس منسي: هه؟

العميل: هتنقل فيها على طول قصدك؟

المهندس منسي: بنفكر إن إحنا ننقل فيها خميس وجمعة و كده يعني.

العميل: آه آه ماشي يا مسهل يا رب ، ماشي يا هندسة يعني أستناك ما امشيش.

المهندس منسي: كان عندي وعكة صحية النهارده لا أحسد عليها يا واد يا منذر.

العميل : أنت واخد برد ولا إيه؟

المهندس منسي: لا ده أنا قمت من النوم دخلت الحمام كانت تقلصات وبهدلة وصداع.

العميل: ألف سلامة عليك يا هندسة.

المهندس منسي: بس أنا ما بحبش بقى أقول لأختك علشان أختك بتكتئب وكدهوه.

العميل: آه بتزعل عليك.

المهندس منسي: ما هو أكيد.

العميل: بتبقى شايلة همك.

المهندس منسي: ربنا يهدي.

العميل: ماشي يا هندسة ماشي السلام عليكم.