مكنة فاكيوم موديل 605 ماركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: لو سمحت كنت عايز أسأل على تغليف المنتجات البلاستيك بتاع المغارف مثلاً

المهندس منسي: آه هتغلف إيه؟

العميل: عندي طقم مغارف ملعقتين كبار

المهندس منسي: آه… هوه في طريقتين، في طريقة الشرينك، وفي طريقة التغليف في أكياس… أنا لازم أشوف شكل التغليف اللي إنت عايزه إيه؟

العميل: أنا عايز التغليف اللي بيبقى وراه كارت كرتون دوت ويبقى ماسكين فيه عارفه؟

المهندس منسي: آه…  باج

العميل: آه..

المهندس منسي: المكنة عندنا موجودة اسمها فاكيوم المكنة دي رقمها 605 ماركة المهندس منسي

العميل: مش فاهم، إنت قصدك هوه أنا هشتري مكنة ولا إنت بتغلف منتجات؟

المهندس منسي: آه لا ده حضرتك بتاخد المكنة وتغلف عندك

العميل: آه… لا أنا افتكرتك بتاع تغليف

المهندس منسي: ماشي يا باشا مع السلامة

العميل: شكراً..أيوه يا فندم معلش

المهندس منسي: أيوه اتفضل

العميل: أنا كنت عايز حضرتك قلت نوع التغليف اللي أنا قلتلك عليه اسمه إيه؟

المهندس منسي: فكرني كده بالطلب بتاع حضرتك

العميل: اللي هوه كارت كرتون وبيتعلق عليه المعلقة البلاستيك أو حاجة زييه

المهندس منسي: آه.. آه.. تغليف الفاكيوم

العميل: تغليف الفاكيوم؟

المهندس منسي: آه إنت بتدور على كلمة تبحث عليها

العميل: آه بدور عليه عشان أشوف مين اللي شغال فيها

المهندس منسي: اكتب المهندس منسي، هتلاقي المكن بتاعنا موجود وكل حاجة موجودة

العميل: خلاص أوكيه، شكراً