مكنة غلق أكواب الزبادي من شركة المهندس منسي
العميل : سلام عليكم
مهندس منسي : وعليكم السلام اتفضل
العميل : شركة المهندس منسي
مهندس منسي : أيوه
العميل : لو سمحت يا فندم أنا بسأل على المكنة بتاعت غلق الأكواب الورقية
مهندس منسي : آه..
العميل : إنت فاهم حضرتك كده زي علبة الزبادي لما تكون مقفولة
مهندس منسي : آه
العميل : حضرتك هي موجودة عندكم
مهندس منسي : موجودة آه
العميل : طب أسعارها كام لو سمحت يا فندم
مهندس منسي : 350 ، يعني 3500 جنيه في الحدود دي
العميل : حضرتك طبعاً فيها كل المقاسات، يعني مثلاً لو كباية كبيرة كباية صغيرة أعرض أطول كده
مهندس منسي : آه في مكنة تانية.. في مكنة بـ يعني 2000 جنيه بتعمل كل المقاسات
العميل : طب وحضرتك الخامات نجيبها منين، اللي هي بتعمل الغلق دي
مهندس منسي : عندنا
العميل : عند حضرتك
مهندس منسي : آه
العميل : بكام دي برده يا فندم؟
مهندس منسي : دي بيبقى بحسب الكمية وبحسب الكباية وحسب المقاس
العميل : أصل أنا إكمني بعملها دراسة فعاوز أعرف تكلفني…
مهندس منسي : ما هوه أنا إنت طلبت مني سعر الحاجة فأنا ادتهالك، فدي صدقني لو كنت أعرف سعرها أنا كنت…. لأن السعر بيتحدد حسب الكمية وحسب الكباية وحسب المقاس… اتفضل.. اتفضل.. اتكلم
العميل : طب هي حضرتك بتباع بالكيلو ولا بتباع بالألف
مهندس منسي : لو هتخودها بالكيلو هتاخدها رول
العميل : آه…
العميل : يعني مثلاً يتحط على الكوباية 5 صاغ شلن ولا بريزة
مهندس منسي : هوه إنت عايز أي سعر وخلاص
العميل : لأ
مهندس منسي : طيب يبقى هاتلي الكوباية وأنا هسعرهالك وإنت واقف
العميل : خلاص طب العنوان يا فندم
مهندس منسي : إحنا عندنا حدائق القبة، مدينة نصر، باب الشعرية
العميل : طب حضرتك مواعيد مدينة نصر من إمتى لإمتى
مهندس منسي : من الساعة 8الصبح -9 بالليل
العميل : خلاص ماشي يا فندم أنا هكلم حضرتك بكرة وإن شاء الله هجيلك
مهندس منسي : هتجيلي على فين؟
العميل : هروح مدينة نصر ولا إنت فين؟
مهندس منسي : هكتب لك تليفونات مدينة نصر، أنا مش مبيعات أنا المستشار الهندسي للشركة
العميل : آه… ماشي يا فندم، مش واخد بالي يا فندم، أنا الرقم جيبته من على النت يعني
مهندس منسي : ولا يهمك يا غالي
العميل : خلاص ماشي
مهندس منسي : هقولك انا تليفونات المبيعات حالاً
العميل : خلاص حاضر يا فندم، هتبعتهالي على الواتس يعني ولا…
مهندس منسي : لا هبعتهالك على التليفون ده
العميل : خلاص أقفل ولا أخليني معاك على الخط
مهندس منسي : لأ إقفل وأنا هبعتهالك
العميل : خلاص ماشي يا فندم.. ماشي مع السلامة
