ورق الومنيوم فويل من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باشا
المهندس منسي : أهلاً بيك اتفضل
العميل : معاك أحمد مختار من المنصورة يا باشا
المهندس منسي : أهلاً وسهلاً
العميل : كنت عايز أسأل على الورق بتاع البوتاجاز الألومنيوم فويل
المهندس منسي : آه
العميل : بكام المتر مصنع؟
المهندس منسي : نعم؟؟؟
العميل : ده مصنع حضرتك ولا إيه؟
المهندس منسي : بالنسبة لأوراق الألومنيوم إحنا تجارة، استيراد وتصدير
العميل : يعني إنت بتستورد وبتصدر
المهندس منسي : إن شاء الله
العميل : طب هو مصري ولا صيني اللي عندك؟
المهندس منسي : اللي عندنا أوروبي
العميل : طب في مصري، يعني كنت عايز آخد منكم شويه وأصدره بره
المهندس منسي : هوه اللي عندي أوروبي
العميل : مافيش مصري
المهندس منسي : يعني كنت أتمنى يبقى عندنا مصري
العميل : ربنا يخليك، كان كلمني واحد صحبي في السعودية وكنت عايز أديله شويه يعني، فأنا جيبت رقمك بتاع الواتس من على النت
المهندس منسي : ماشي يا غالي
العميل : طالما أوروبي مافيش مصري، هوه بيجي ويتصنع هنا في مصر صح؟
المهندس منسي : آه إحنا بنجيبه من أوروبا آه
العميل : طب لو حبيت أشحن للسعودية؟
المهندس منسي : عادي مافيش مشكلة
العميل : طب أتكلم مع حضرتك إزاي ولا أقابلك إزاي
المهندس منسي : تيجي تنورني في أي وقت
العميل : فين مكانك يا باشا؟
المهندس منسي : إحنا عندنا حدائق القبة، مدينة نصر، باب الشعرية
العميل : ما عندكوش فرع في المنصورة؟
المهندس منسي : لا والله
العميل : طب قلتلي العنوان فين معلش؟
المهندس منسي : حدائق القبة، مدينة نصر، باب الشعرية
العميل : لو حبينا حاجة معينة مثلاً 1.5 أو مترين أو كده المصنع يصنعهالنا
المهندس منسي : إن شاء الله نقدر نوصلك ليهم
العميل : إن شاء الله بإذن الله، مين معايا بقى؟
المهندس منسي : المهندس منسي مع حضرتك
العميل : ماشي يا باش مهندس، ماشي حاضر، أنا هتكلم مع صحبي كده وهكلمك بإذن الله
المهندس منسي : ماشي يا غالي
العميل : ماشي يا باشا مع السلامة
