ورق تغليف بولي ايثيلين من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : باش مهندس منسي

المهندس منسي : أيوه

العميل : أيوه يا معالي الباشا معاك شركة العصيد

المهندس منسي : أهلاً بيك

العميل : ربنا يعزك يا باشا، أنا كنت بستخدم ورق اللي هوه بتاع البولي إيثيلين دوت موجود عندك؟

المهندس منسي : ورق بولي إيثيلين بنجيبه آه

العميل : كام جرام؟

المهندس منسي : لأ هوه حضرتك إحنا بنجيب كل أنواع الورق، فحضرتك اللي بتقولي عايز إيه؟ مثلاً كام جرام مقاس كذا….

العميل : من 35 مثلاً

المهندس منسي : هوه حضرتك شركة العصيد بتاع الطباعة

العميل : لأ مش طباعة أنا عندي مصنع تعبئة، بعبي سكر البودرة

المهندس منسي : آه أهلاً بيك

العميل : أهلاً بحضرتك يا باشا

المهندس منسي : هوه أردي إحنا بنجهز في مصنع إن شاء الله عشان نصنعه هنا في مصر

العميل : والله…

المهندس منسي : آه يعني هنجيب الورق وهنعمله إكسروجن بولي إيثيلين…

العميل : لأ مش هتصنعه في مصر، قصدك هتبطنها إنت

المهندس منسي : لأ مش هنبطنها، هنعمله إكسروجن بطريقة الإكسروجن

العميل : بمعنى معلش؟؟ اللي أنا أعرفه إن الورق ده بيجي بكر من بره وبياخد طبقة بولي إيثيلين مثلاً 12 ÷ 20 يبقى 32

المهندس منسي : آه بص يا سيدي، هوه في طريقتين 2 للتبطين، طريقة التبطين بالفيلم، وطريقة التبطين بالإكسروجن

العميل : تمام… تمام…

المهندس منسي : استحالة إنه الـ 12 ميكرون لغاية 30 ميكرون استحالة يتبطن، لازم يبقى إكسروجن، ليه؟؟؟ الإكسروجن ده بيعمل إيه؟؟ بيعمل نفخ للبلاستيك للبولي إيثيلين على الورق، فهمتني؟

العميل : تمام

المهندس منسي : عشان كده بيطلع السماكة التكنيك بيطلعه بكمية أقل، كمية أقل في الكذا ميكرون يعني خفيف

العميل : آه

المهندس منسي : إنما عمرك شفت بولي إيثيلين 12 ميكرون

العميل : اللي أنا أعرفه في فليكس بيعملوا اللي هوه بيبطن…

المهندس منسي : البولي إيثيلين يصعب جداً إنه ينزل 12 ميكرون صعب.. صعب يعني…

العميل : قصدك إنه هوه كده قليل؟

المهندس منسي : آه 12 ميكرون ده قليل جداً يطلع فيلم في البولي إيثيلين، لأن البولي إيثيلين عالي، غير البولي إستر

العميل : يعني إنت ممكن توصل لحد كام؟

المهندس منسي : ما إحنا بقى دلوقتي الإكسروجن لما نجيب مكنة الإكسروجن بالنسبة لنا نقدر نحط براحتنا بقى، نحط مثلاً 10 ـ 12 ميكرون

العميل : ما شاء الله.. ما شاء الله، ربنا يوسع عليك

المهندس منسي : بس هوه المفروض ما يقلش عن 12 ميكرون عشان خاطر اللحام بتاعه يبقى كويس

العميل : بالضبط عشان اللحام آه

المهندس منسي : فإحنا كلنا دلوقتي بنشتغل بالستوكات

العميل : يعني موجود عندك ستوكات

المهندس منسي : آه اللي موجود عندي حالياً ستوكات أوروبي، ألمانيا، إيطاليا، هولندا، بلجيكا

العميل : آه…

المهندس منسي : فحضرتك بتقولي أنا عايز كذا، فبدور في الستوك عندي بقولك آه والله موجود، قدامه شويه ويجيي، هستوردهولك بالطلب.. كده

العميل : طيب في تقطيع ولا بيتباع زي ما هو كده

المهندس منسي : آه في تقطيع إن شاء الله أما بالنسبة للي إحنا هنعمله إن شاء الله قدامنا في شهرين أو على 1/4/2016 هيكون المصنع شغال، ده بقى هيبقى الورق هنجيبه من بره وهنبدأ نعمله عملية إكسروجن هنا في مصر

العميل : ربنا يوفقك يا باشا، بالتوفيق إن شاء الله، ربنا يوفق، طيب دلوقتي الأوردر بتاعي لو عايز من 30 ـ لحد 40 ميكرون، في حاجة موجودة ممكن أخودها

بتوصل لـ 40 ميكرون

المهندس منسي : آه لما تبقى زيادة عن كده بتبقى تقيلة بتغلبنا في التعبئة دي حاجة، وتاني حاجة إن هي ما بترميش

العميل : آه أصل هو المتعارف عليه الـ 40 ـ 20

المهندس منسي : لا تقيلة قوي

العميل : ما هو المشكلة إن همه بيقولك 40، بس هوه 40 ـ 20

المهندس منسي : أغلب الاستوكات بتيجي 40 ـ 20

العميل : ما هو الغالبية العظمى بتبقى 40 ـ 20 وهمه بيقولك 40 على أساس إن الورق 40 فهو كده المفروض إن هوه صدق يعني، ولكن المفروض إن هوه كذب

طب في حاجة يعني… لو حاجة قولي مع بعض يعني

المهندس منسي : طب أنا هراجع المخازن إن شاء الله عندي وأشوف كده

العميل : ولو في حاجة برده قولي

المهندس منسي : إن شاء الله، إنت عايزه

العميل : أنا عايزه ورق ، بس في جميع الأحوال بستخدمه برده

المهندس منسي : ماشي يا غالي

العميل : قولي ده وقولي ده

المهندس منسي : إن شاء الله

العميل : ماشي يا باش مهندس مع السلامة

المهندس منسي : مع السلامة