أجود أنواع الطباعة السلندرات من شركة مهندس منسي
العميل : يا باشمهندس ازي حضرتك ؟
المهندس : آلو سلام عليكم
العميل : عليكم السلام ورحمة الله وبركاته ، ازي حضرتك ؟
المهندس : اهلا بيك
العميل : أنا جوزيف رمسيس مع حضرتك
المهندس :اهلا وسهلا
العميل : اللي كلمك أستاذ محمد عبد الفتاح من توشكا دلوقتي .
المهندس :اه ،اهلا بيك
العميل : حضرتك موجود دلوقتي في مدينه نصر مش كده ؟
المهندس :اه أنا النهارده في مدينه نصر.
العميل : طيب حضرتك موجود لحد الساعة كام ؟
المهندس : حوالي خمسة ونصف كده
العميل : الحقيقة أنا في فيصل ولسه منتظر واحد هيجي ف ممكن ملحقش
المهندس : هو عادي ممكن اجي بعد الفطار يعني
العميل : كلام جميل على الساعة كام ؟
المهندس : الساعة 9
العميل : طيب خليني اتكلم مع حضرتك شويه دقيقتين ،هو انا عايز اعمل السيرف بتاع الكولا هل متوفر عندك بتاع حد ولا حاجة ؟
المهندس : لا صدقني
العميل : طيب لو احنا عايزين نعمل ممكن بدون سلندرات ؟
المهندس : ماهو على حسب الطباعة إللي أنت هتعملها يعني محتاج طباعه جيده أوي ولا خطوط كده وخلاص ؟
العميل : طيب لو في ارضيه ؟
المهندس: أجود أنواع الطباعة السلندرات وانا مبطبعش غير بيها
العميل: أنا الديزاين ممكن انفذه بناء علي الكلام اللي أنت هتقوله فاهمين حضرتك ،، أنا عايز أقل تكلفة .
المهندس : ماهو لو قرصت على التكلفة الجودة هتبقي ضعيفة هو أساسا اللي بيبيع الشكل الخارجي مش المنتج الداخلي فأنت هتقرص علي التكلفة مقابل ايه عدم البيع !!
العميل : حقيقي كلامك مظبوط
المهندس : احنا بنتكلم ان نعمل منتج جيد جدا من برا المهندس بيبص علي المنتج اللي جوه ،
العميل : كلامك مظبوط ،، طيب الكيلو بكام وأقل كميه ممكن اعملها كام السلندرات بقي ربنا يتولانا فيها .
المهندس :السلندرات عندنا رخيصة متقلقش كلها ب 600
العميل : طيب دول كام لون ؟
المهندس : كل الالوان
العميل : طيب وبعد كده يبقي بالمتر ؟
المهندس : هنشوف بقي وتتفق مع حضرتك ونشوف المقاسات ايه طول في عرض في ارتفاع هقولك مثلا دي تتكلف كذا .
العميل : طيب وانا هقدر أبدل في السلندرات ؟
المهندس :نقدر اه لغاية عرض 51سم.
العميل : طيب خلينا في ميعاد دلوقتي ، معلش في تليفون تاني بنا أقولك علي الميعاد هيكون امتي .
المهندس : ان شاء الله
العميل : شكرا يا فندم وأسف على ازعاجك.
