أزازة بلاستيك 1 لتر لتعبئة عصير من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : شركة المهندس منسي

المهندس منسى : أيوه

العميل : أهلاً وسهلاً، معاك شركة كواليتي برج العرب، كنت بسأل على إزازة لتر بتاعت عصير

المهندس منسى : آه الكمية أد إيه؟

العميل : أنا عندي الإزازة اللي عندي الرقبة بتاعتها طويلة شويه عامله زي الإزازة الإزاز كنت عايز منها، بتصنع إنت أنواع مختلفة ولا…

المهندس منسى : ما هو أنا عايز أعرف الكمية عشان بناء على الكمية بيتحدد السعر

العميل : لأ ما هو لو نوع الإزازة دي موجود أنا هاخد كمية

المهندس منسى : آه ما هو أنا لازم أعرف الكمية الأول، يعني إنت مش محدد لنفسك الكمية أد إيه؟

العميل : أنا الإزازة اللي كانت عندي مستوردة، فأنا بدور عليها في السوق المحلي الأول، عشان بدل ما أستوردها أجيبها محلي

المهندس منسى : مافيش مشكلة، هي عملية إنها مستوردة أو محلي مش عارف يعني عبوة مستوردة، ده هنا المصانع كتير جداً جداً جداً

العميل : بس هوه الحجم ده والشكل ده مش لاقيه هنا في مصر

المهندس منسى : يا أخي ما تشغلش بالك، والله لو جبتلي شكل إيه، طالما ما اتخلقتش نقدر نصنعها

العميل : طالما بقى هتعملولها اسطمبة جديدة ماشي

هوه ممكن يكون الشكل عندي وممكن يكون مش عندي، لو مش عندي أعملك الاسطمبة بتاعته، مافيش مشكلة، بس في الأول والآخر إحنا بنبص على الكمية، ما المهندس منسى : هو ممكن تكون الكمية بتاعتك قليلة ما تستاهلش حتى الواحد يبصلها يعني

العميل : آه… أنا مبدئياً هاخد 10000

المهندس منسى : آه دي كمية قليلة جداً، على الأقل خالص 25000

العميل : ما هو أنا عارف إن دي كمية قليلة ما تستاهلش إنك تعملها اسطمبة عشان كده مش داخل في موضوع الاسطمبات

المهندس منسى : طب ابعتلي بس شكل العبوة أو ابعتلي العبوة لايف عشان لو عندنا نعملهالك، مش عندنا نعمل اسطمبة

العميل : خلاص هبعتهالك حالا

المهندس منسى : ابعتهالي عينة ملموسة

العميل : طب المكان بتاعكم فين؟

المهندس منسى : هبعتلك العنوان في دلوقتي حالاً

العميل : ماشي أوكيه شكراً