أكياس الفويل لتعبئة البن من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: حضرتك بتعمل أكياس بتاعت البن، زي كيس عبد المعبود، مش العلبة الكرتون، الكيس الداخلي اللي هوه الفويل؟
المهندس منسي: آه إن شاء الله
العميل: طيب ده سعره كام؟ أنا عايز أعمل الكيس الكيلو؟
المهندس منسي: ده بيتحدد بناء على الخامة اللي إنت هتختارها، إنت هتطبع ولا من غير طباعة؟
العميل: لأ عليها طباعة
المهندس منسي: آه تيجي بقى حضرتك تشرفنا ومعاك الديزاين
العميل: يعني أنا أعمل ديزاين بره، ولا أجيبلك ديزاين الكيس نفسه
المهندس منسي: لا هتعمل الديزاين نفسه وهتيجي، عشان نعد عدد الألوان اللي في الديزاين، ونشوف الكمية بتاعتك…
العميل: أنا ممكن أبعت لحضرتك صورة الكيس تقولي تقريباً تكلفته هتبقى كام؟
المهندس منسي: لا هوه عملية الصورة دي ما بتكالش معانا عشان خاطر لا…. بنشوف الحاجة عياناً بياناً يعني، فلو كانت الحاجة مهمة بالنسبة لك تعالى شرفنا
العميل: ما هو أنا هاجي لحضرتك بس مبدئياً أبقى عارف بس التكلفة هتبقى كام
المهندس منسي: مش هتخسر حاجة، في مكن تعبئة وتغليف البن، وفي برده هتلاقي الألومنيات، واخد بالك، لو إنت عايز تشتغل سادة.. يعني مش هتخسر كتير يعني
العميل: تمام…
المهندس منسي: يعني لو إحنا ما اتفقناش مش هتخسر، ده بالعكس هتتعرف على حد في مجالك
العميل: تمام.. أيوه.. طب إنتم مكانكم في باب الشعرية؟
المهندس منسي: هبعتلك العنوان في رسالة حالاً
العميل: طيب تمام
المهندس منسي: تمام
العميل: طيب ماشي يا باشا، السلام عليكم
المهندس منسي: عليكم السلام ورحمة الله وبركاته
