أكياس تعبئة صابون سائل من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: مصنع المنسي
المهندس منسى: أيوه
العميل: حضرتك بتطبعوا أكياس اللي هي بتاعت الصابون السائل
المهندس منسى: آه
العميل: طيب جميل، أنا من الفيوم لو هينفع إن أنا آخد سعر قبل ما آجي أتفق معاكم يا ريت لو حتى سعر تقريبي
المهندس منسى: بالذات الطباعة والخامات هي دي الوحيدة اللي ما نعرفش نديلها سعر في التليفون
العميل: طيب أقول لحضرتك برده الخامة لو كده أجيلك عشان لو موجودة عندك آجي عليك على طول
المهندس منسى: هي كل الخامات موجودة عندنا، إحنا عندنا بولي إستر بولي إيثيلين، بولي إستر بولي بروبلين…
العميل: لا أنا ما أعرفش ده والله، أنا أعرف في المنظفات بس، طيب حضرتك عارف عصير البست الصغير
المهندس منسى: آه
العميل: أنا عايز التكعيبة بتاعته اللي تحت دي موجودة عندكم؟
المهندس منسى: عادي بنعملها عادي
العميل: طيب جميل، المكان فين؟
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: في 6 أكتوبر
المهندس منسى: آه
العميل: طيب جميل يبقى يا ريت 6 أكتوبر قريب مني
المهندس منسى: طيب ماشي
العميل: فين في 6 أكتوبر يا فندم
المهندس منسى: هبعتلك العنوان في رسالة حالاً
العميل: ماشي يا فندم
المهندس منسى: في مجمع اسمه مجمع الأمل الصناعي
العميل: الأمل الصناعي
المهندس منسى: آه
العميل: مصنع المنسي صح
المهندس منسى: آه
العميل: طب ليه رقم أو حاجة
المهندس منسى: آه ليه هبعتلك الداتا بتاعته في رسالة حالاً
العميل: ماشي يا فندم، شكراً، مع السلامة
المهندس منسى: مع السلامة
