أكياس تغليف فاكيوم من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : أ/ منسي معايا
المهندس منسي : أيوه
العميل : انا قريب أ/ محمود قطب
المهندس منسي : آه أهلاً بيك إزيك يا غالي
العميل : أهلاً وسهلاً بيك أخبارك إيه يا باشا
المهندس منسي : الحمد لله
العميل : كنت بسأل حضرتك على أكياس الفاكيوم
المهندس منسي : هوه حضرتك هتغلف إيه؟
العميل : أنا عندي مكنة فاكيوم أصلاً، عايز أكياس اللي هي فاكيوم من الجنبين دي، اللي هي بتبقى مضغوطة من الجنبين دي ، وأحطها في المكنة على طول وتشتغل
المهندس منسي : إن شاء الله بولي آميد بولي إيثيلين، في بولي آميد بولي إيثيلين
العميل : آه أيوه هي دي، بس أنا عايزها خفيفة مش تقيلة
المهندس منسي : آه موجودة إن شاء الله
العميل : طيب آجي أخدها منين؟
المهندس منسي : هبعتلك أنا العنوان في رسالة تروح تتفرج على العينات واللي يعجبك خد منه
العميل : يعني موجود جاهز؟
المهندس منسي : في موجود جاهز وفي بالطلب، وفي رولات لو إنت عايز تفصلها إنت
العميل : لأ أنا عايز الكيس جاهز
المهندس منسي : ماشي يا غالي
العميل : طب أستأذن حضرتك تبعتهولي في رسالة؟
المهندس منسي : هبعتهولك حالاً دلوقتي
العميل : ماشي، ده ما علهوش واتس آب، لو حابب أكلمك أبعتلك الواتس آب بتاعي ولا هتبعتهولي…
المهندس منسي : آه هبعتهولك رسالة عادية ما تشغلش بالك، أ/ محمود غالي علينا
العميل : حبيبي الله يخليك يا باش مهندس
المهندس منسي : ماشي
العميل : تسلملي يا باشا، مع السلامة
