أكياس شفافة مطبوعه من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: أخبار حضرتك ياباشمهندس

لو سمحت كنت عايز أستفسر على سعر طن اكياس الشفاف المطبوعة

250 جرام والـ 400 جرام

المهندس منسي: هوه الأكياس عموماً في العصر الحديث غير العصر القديم، يعني زمان كان في حاجة اسمها أكياس السلوفان معمولة من خامات البلاستيك السلوفان وبس، دلوقتي بقى في أكياس تانية شفافة من نوعيات متعددة، إزاي؟؟؟ بنيجي نقول بولي إستر على بولي إيثيلين، أو بولي إستر على بولي بروبلين، أو بي في سي، أو بولي إستر تي إيه، أو بولي إستر بولي إيثان، أو… حسب استخدام المنتج بتاع حضرتك

فبقى الموضوع في العصر الحديث أكثر تشعباً وأكثر من الأول بمراحل، طبعاً العميل ما يعرفش الحاجات دي كلها فبيعمل إيه؟؟ بيجيب كيس شبيه ويقولي أنا عايز زي ده، واخد بال حضرتك، جاست إن حضرتك بعتلي عينة من اللي حضرتك عايزها إحنا بقى دورنا نقول آه الخامة دي نوعها إيه، السكنس إيه، السماكة بتاعته يعني إيه، كل الحاجات الفنية دي هنقدر نعرفها يعني

أما إن العميل يقول عايز أكياس شفافة، الأكياس الشفافة النهاردة غير 20 سنة فاتوا، الأكياس الشفافة النهارة بقت نوعياتها كتيرة جداً جداً جداً لأبعد مما تتخيل، وكل يوم العلم عمال يطلع لنا أنواع حديثة من الخامات التي تتلائم مع المنتجات، المنتج ده بيتلائم معاه الخامة دي، والمنتج ده بيتلائم معاه الخامة دي.. غير الأول، الأول كانوا بيحطوا في أي أكياس، والأكياس تنفجر، والأكياس تتسبب في عفونة المنتج اللي جوه، دلوقتي بقى كل كيس وكل خامة لمنتجها عشان خاطر تحافظ على منتجها جوه بأكبر قدر ممكن من الحفاظ لأن العلم طبعاً لما بيتقدم كل ما بيتكشف حاجات جديدة كل ما بيقول على خامات جديدة

فأرجو من حضرتك إنك تبعتلنا عينات ملموسة من الكيس اللي حضرتك عايز زيه بناء عليه هقولك آه الخامة دي كذا كذا كذا، طيب مافيش إمكانية عند حضرتك، ممكن حضرتك تيجي تشرفنا مشكوراً في معارضنا هتلاقي عينات موجودة بضاعة حاضرة حضرتك هتختار الخامة تقول أنا عايز دي، نقوم نقولك آه الخامة دي مكوناتها كذا كذا كذا، والسماكة كذا كذا كذا.. وهنبدأ نتعاون مع بعض فيها ونديلك أسعار وما تقلقش خالص