أكياس مطبوعة لتعبئة الاعشاب من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي:  أيوه

العميل: لو سمحت عايز أعمل شوية تذاكر عند حضرتك

المهندس منسي: تذاكر إيه دي؟

العميل: عبوات زي عبوات النسكافيه كده

المهندس منسي: هي العبوات اسمها تذاكر؟؟

العميل: عبوات بلاش تذاكر لو زعلان

المهندس منسي: لأ أنا مش زعلان ولا حاجة، إنت إدتني معلومة جديدة

العميل: استفدت يعني

المهندس منسي:   آه.. هي صحيح اسمها تذاكر؟

العميل: هي في تذاكر وفي عبوات، ما أعرفش هي اسمها إيه بالنسبة لك إنت

المهندس منسي:   لأ حضرتك من أي منطقة؟

العميل: أنا من منطقة البحيرة

المهندس منسي:  لأ بص ما هوه في بلاد بسموها غرشة، وفي بلاد بيسموها شيشة، فأنا ما بستغربش لما أسمع أي مسمى جديد بس بحاول أتأكد منه بس مش أكتر

العميل: تمام

المهندس منسي:  إنت هتعبي فيها إيه؟

العميل: هنعبي فيها أعشاب

المهندس منسي:   يعني عايز برطمانات ولا عايز في عبوة

العميل: لأ كيس

المهندس منسي:  آه.. كيس صح ممكن يتعمل تذكرة، يعني حاجة كده ممكن يقولوا عليها تذكرة آه، ماشي تحت الأمر، إنت عايزها مطبوع ولا سادة؟

العميل: عايزها مطبوعة

المهندس منسي:  مافيش مشكلة، هاتلنا الديزاين وشوف الكمية اللي إنت عايزها، وتعالى نقي الخامة اللي إنت هتشتغل عليها وخير إن شاء الله

العميل: طب الكميات إيه والنظام إيه والأسعار

هوه الكميات بتحدد بناء على الديزاين نفسه، والطول والعرض، ونوعية الخامة اللي إنت هتختارها، فالحاجات دي ما ينفعش نعملها أون لاين كده بينا وبين بعض، لازم حضرتك تيجي تنقي الخامة بتاعتك وتورينا الديزاين وتقولنا مقاساتك وبناء عليها هقولك السعر هيبقى كذا

العميل: يعني أنا عايز… أنا بتكلم المينيمام عندك ممكن نعمل كام كيلو مثلاً؟

المهندس منسي:  يعني مينيمام ربع طن، وبنفكر إن شاء الله إن إحنا ننزل الكمية عن كده كمان، إحنا بنطبع بأحدث أنواع الطباعة وهي الروتوجرافيك، أحدث أنواع الطباعة في العالم دلوقتي، وأجود أنواع الطباعة اللي هي بتبهر…

العميل: أقل كمية 250 كيلو

المهندس منسي:  آه بص إنت بتشوف المنتجات كده شكلها جميل كده

العميل:تمام

المهندس منسي:  معايا، تقوم تقول الله دي مستوردة، إحنا بقى بنطبع بالطريقة اللي بيقولك عليها مستوردة دي

العميل: تمام…. تمام يا باشا، ماشي كلام زي الفل، طب هضبط الديزاين بتاعي وآجي لحضرتك

المهندس منسي:  إن شاء الله إنت تيجي تنورني في أي وقت

العميل: شكراً يا باشا، شكراً

المهندس منسي:  مع السلامة