إستشارات فينة من المهندس منسي لعملاء شركة ام توباك
المهندس منسي: سلام عليكم.
العميل: وعليكم السلام ورحمة الله وبركاته, لو سمحت أنا بتصل كان في ديزاين كدا كنت عايز أنفذه طباعة على على بلاستيك اتنين مللي متر في تلاتة متر على قطر.
المهندس منسي: آه، على قطر.
العميل: يعني أنا عايز عايز. إيه يا فندم؟
المهندس منسي: قطر إيه، قطر بلوتر.
العميل: آه.
المهندس منسي: عايز الديزاين، يعني أنت يعني أنت عايز.
العميل: أنا الديزاين عندي، اللوجو عندي.
المهندس منسي: آه.
العميل: عايز أنفذه على على بلاستيك متفرغ تايجر، رسمة تايجر.
المهندس منسي: آه، اللي هو الاستانسل.
العميل: اللي هو الاستانلس الله يفتح عليك يا باشا.
المهندس منسي: آه
العميل: أنا مهندس ديزاين فهو دا مطلوب مني.
المهندس منسي: آه.
العميل: فنفس الخامة بتاعة الاستانلس وبنفس الشكل عايزه، بس عايز المقاس متر في تلاتة متر.
المهندس منسي: متر في تلاتة, الكمية أد إيه؟
العميل: هي واحدة.
المهندس منسي: لا إحنا بنشتغل بس عالكميات.
العميل: آااه بتشتغلوا بالكميات, أمم، طب إيه الحل طيب، يعني أنا … يعني.
المهندس منسي: لا ولا حاجة.
العميل: أنا معرفش حد يعملي الموضوع دا.
المهندس منسي: ولا يهمك تحت أمرك، بص يا سيدي.
العميل: اتفضل.
المهندس منسي: شوف أي حد يعمل إعلانات أوت دور.
العميل: إعلانات
المهندس منسي: أوت دور آه.
العميل: أوت دور.
المهندس منسي: آه.
العميل: أمم.
المهندس منسي: وهتروح
العميل: طب مفيش حد معين حضرتك … الكلام دا
المهندس منسي: والله ..
العميل: أصل أنا كلمت كذا شركة قالولي: الماتريال نفسها مش عندنا.
المهندس منسي: آه، الماتريال اللي هي ال
العميل: … آه يعني في ناس بيقولولي القطر مش موجود، في ناس بيقولولي: الماتريال نفسه مش موجود عندي.
المهندس منسي: ممكن بقى تتصرف وتعملها من من أي ماتريال من الماتريال اللي موجودة.
العميل: إيه؟
المهندس منسي: ممكن تعملها من الماتريال اللي موجودة, اللي موجودة عندهم.
العميل: اللي هي؟
المهندس منسي: هاتلاقي عندهم حاجة اسمها.
العميل: ما هو عنده عنده نظام فينيل وبانر والحاجات دي.
المهندس منسي: آه بانر وفينيل، هو نفسه يؤدي الغرض برده.
العميل: إيه؟
المهندس منسي: هو نفسه يؤدي الغرض، هو هيبقى أغلى ولكن هيؤدي الغرض، إحنا بنلجأ لإن إحنا نعمل على البول إيستر أو ال بي بي سي, أو البولي أو البي إي تي عشان خاطر السعر، عشان نخفض في السعر لأنه بيتعمل مرة وبيترمي.
العميل: أمم، لا ما أنا عايزها متعددة يعني مش عايزها مرة وتترمي.
المهندس منسي: لا، مش فاهمني، يعني يعني ما هو بتتعمل متعددة مرة، اتنين، تلاتة، أربعة وتترمي وبعد كدا بنعمل واحدة تانية وهكذا.
العميل: آه آه.
المهندس منسي: لما نيجي نعمل على الكميات، أما أنت عايز واحدة بس فيبقى أنت ممكن تعملها فينيل أو بانر عادي هتقضي نفس الغرض، ولكن سعرها هيبقى أغلى.
العميل: أمم.
المهندس منسي: فعند الجماعة بتوع الإعلانات الأوت دور.
العميل: إعلانات الأوت دور.
المهندس منسي: أمم.
العميل: أمم، لكن مفيش حد معين حضرتك عارفه ممكن.
المهندس منسي: والله أنا عارفهم شبه، يعني عارفهم شبه إزاي، يعني في عمارات الميريلاند اللي في جسر السويس فيه.
العميل: آه.
المهندس منسي: في في عند …
العميل: آه تمام.
المهندس منسي: فوقه شركة صاحبها واحد اسمه المهندس أحمد.
العميل: تمام.
المهندس منسي: يعني لما بحتاج حاجة بروح يعني ببعتهاله يعملهالي يعني.
العميل: تمام تمام إستانلس وكدا يعني.
المهندس منسي: ها؟
العميل: استانسل برده.
المهندس منسي: أنا مبقولوش بقى إستانلس ، بقوله: تفريغ قطر بلوتر.
العميل: إيه؟
المهندس منسي: بقوله: تفريغ بالقطر بلوتر. هو ميفهمش يعني إيه.
العميل: قطر بلوتر.
المهندس منسي: هو ميفهمش يعني إيه استانسل يعني إيه استنسل.
العميل: آه آه.
المهندس منسي: فأنا بروح أنقي الخامة وبقوله: اعملي دي قطر بلوتر.
العميل: هي الخامة نفسها اللي هو اللي هو البلاستيك دا اللي اتنين مللي اسمه إيه؟
المهندس منسي: هو مش اتنين مللي هو مش اتنين مللي هو 200مايكرون.
العميل: 200 إيه؟
المهندس منسي: مايكرون. يعني 200 من الألف من المللي.
العميل: آه.
المهندس منسي: يعني اتنين من عشرة من المللي.
العميل: أمم أمم أمم، 200 مايكرون.
المهندس منسي: يعني إحنا في عالم الهندسة قسمنا المللي لألف.
العميل: آه آه، تمام.
المهندس منسي: ووحدة القياس في الألف اسمها إيه, اسمها مايكرون.
العميل: تمام، آه آه.
المهندس منسي: …. المليون اسمها النانو.
العميل: أيوة أيوة تمام تمام تمام. طب لكن عند سيادتك كميات.
المهندس منسي: آه كميات آه.
العميل: طب خلاص ماشي.
المهندس منسي: كميات ومكن. يعني مثلًا لما تيجي تاخد كميات هتاخود مكنة قطر بلوتر معاها.
العميل: أمم، أمم تمام يا فندم، ماشي، شكرًا جدًّا لذوقك يا فندم.
المهندس منسي: لا، تحت أمرك.
