ازايز وعبوات تعبئة الشامبو للفنادق من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة إم تو باك
المهندس منسي : أيوه
العميل : عندكم أزايز وعبوات ممكن أعبي فيها شغل الفنادق 50 مللي شامبو وشاور…
المهندس منسي : لأ هوه إحنا بنصنع العبوات بالطلب، يعني إحنا بنصنع الاسطمبات الأول وبعد كده بننفذ عليها العبوة
العميل : تمام.. دي هتكون مكلفة طبعاً، طب ممكن آخد فكرة طيب؟
المهندس منسي : آه بـ والعبوات بقى بتبقى بتوزن وهي فاضية الكيلو بـ 35 جنيه وهي فاضية
العميل : آه…
المهندس منسي : يعني حضرتك تمسك العبوة اللي إنت عايز تعملها وتوزنها على ميزان جواهرجي وتضرب الجرام × 3.5 قروش، تعرف سعر العبوة بتاعتك هيبقى كام
العميل : تمام… لكن مافيش مثلاً عندكم اسطمبة معمولة نقدر نشتري منها كمية مثلاً 10 آلاف ـ 20 ألف حاجة زي كده
المهندس منسي : لو كان عندي صدقني ما كنتش هستخسرها فيك
العميل : آه… طيب أنا كنت شفت حاجة تاني إنتم عاملين الشوك والمعالق والسكاكين برده عندكم، إنتم كنتم عارضينها على الموقع
المهندس منسي : دي حاجات إحنا صنعناها للناس، يعني بنقول إحنا صنعنا حاجة زي كده
العميل : لأ إنتم كنتم عارضين أسعار على موقع اسمه إنجنير منسي على أساس تجهيزات فنادق وكده، كنتم عارضين مناديل ورق وشغل فنادق
المهندس منسي : آه بنقول إن إحنا عملنا منتجات زي دي يعني
العميل : آه.. لكن مش بتوردوها يعني
المهندس منسي : لا ما إحنا بنوردها بناء على اسطمبة العميل
العميل : آه.. تمام ماشي يا باشا متشكر لحضرتك
المهندس منسي : العفو يا غالي
العميل : أنا كنت شفت على الموقع عندكم حاجة زي كيس بغطا كده زي الكيس بتاع العصير البست بتاع زمان
المهندس منسي : آه
العميل : ده بكام ده يا باشا؟
المهندس منسي : ده الكمية أد إيه؟ وسعته كام؟ وهتطبعه ولا سادة؟ والخامة نفسها عايزها شكلها إيه؟
العميل : أنا هحط فيه.. حضرتك فدني برده، أنا عندي حاجة 50 مللي هحط فيها الشامبو والشاور والصابون والحاجات اللي هي توريدات الفنادق ديت
المهندس منسي : آه هتحتاجها مطبوعة ولا سادة؟
العميل : مطبوعة واحد لون
المهندس منسي : مطبوعة واحد لون بقى ممكن نجيبهالك سادة وإنت تطبعها سلك سكرين، نعملك تجهيزة كده بحيث إنك تعرف تطبعها يعني
العميل : ماشي
المهندس منسي : السعة أد إيه؟
العميل : 50 مللي
المهندس منسي : هتبقى ألومنيوم ولا بلاستيك شفاف
العميل : الأرخص
المهندس منسي : الأرخص البلاستيك الشفاف، هتبقى في حدود الألف بـ 350 كده يعني
العميل : دي سادة بدون طباعة
المهندس منسي : آه سادة، خلي بالك هي فرق السعر من الطباعة للسادة مافيش حاجة بناء على الكمية، لأن إنت كل ما عليت بالكمية كل ما السعر نزل في حساب الخامة
العميل : ماشي يا باشا إحنا ممكن نتكلم مثلاً مش أقل من 5000 ـ 20000 على حسب الطلب اللي هيكون…
المهندس منسي : دي كمية بسيطة بناء على المقاس، بس عادي ممكن نصنعهالك
العميل : آه…. الألف بكام يا باشا؟
المهندس منسي : في حدود 350 جنيه في الحدود دي
العميل : آه… الألومنيا بكام طيب؟
المهندس منسي : الألومنيا تزيد مثلاً في حدود 10 صاغ يعني ممكن تبقى في حدود 450 جنيه
العميل : لكن على كده أنا توقعت إن دي ممكن تكون أرخص من الإزازة
المهندس منسي : آه… ممكن تكون أرخص من الإزازة في حاجة لما يكون عندك مكنة أتوماتيك، هيبقى سعرها كأنها ببلاش، ليه؟؟؟؟ لأن المكنة الأتوماتيك ديت هتحط عليها الرول وتنزلها الزنبوعة أو العنق، فهنا مشكلتنا إن أنا دلوقتي هنصنع، فإحنا هناخد منك حق التصنيع
العميل : آه…
المهندس منسي : فالسعر علي، أما لما يكون عندك مكنة أتوماتيك بتعبي إنت عندك خامتك هتلاقيها وصلت معاك في حدود 15 قرش للكيس، الألف بـ 150 جنيه بس
العميل : آه….
المهندس منسي : هتلاقي الدنيا اتسهلت على الآخر
العميل : طب إنتم بتبيعوا المكن ده يا باشا
المهندس منسي : بنبيعوا آه بس مشكلته إنه غالي
العميل : بكام؟
المهندس منسي : يعمل في حدود ، 30000 أتوماتيك كامل، يعبيلك المنتج في قلب الكيس ينزل الكيس في العنق بالغطا كأنه عبوة، مش كأنه كيس
العميل : آه… آه… لكن حضرتك هتديني الكيس بالعنق بتاعه بالغطا وأنا أعبي أنا
المهندس منسي : آه في الحالة دي بقى أنا اللي عبيت، يعني أنا اللي عبيت، فهمتني إزاي
العميل : آه.. وأنا لسه هاخد أعبي هناك
المهندس منسي : آه… وعندنا كمان مكن تعبئة بيبدأ من 430 يعني في حدود 3000 وشويه
العميل : تمام… أوكيه، ربنا يسهل ويكون لينا مصلحة في الشغلانة ديت وإن شاء الله نيجي ناخد من حضرتك
المهندس منسي : ييسرلك ربنا
العميل : كتر خيرك يا باشا، شكراً.. شكراً…
