اسطمبات عبوات بلاستيك للأدوية من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : حضرتك أنا الرقم ده أنا كنت لسه داخل على النت بسأل على عبوات بلاستيك لقيت الرقم دوت موجود شركة المهندس منسي للصناعات الهندسية
المهندس منسي : أيوه
العميل : تمام… حضرتك أنا كنت عايز عبوات بلاستيك لأدوية
المهندس منسي : ماشي تحت أمرك، هوه إحنا الأول بصنع الاسطمبة وبناء عليها نبدأ ننفذ العبوات
العميل : حضرتك معلش المكان فين بالضبط؟
المهندس منسي : إحنا عندنا حدائق القبة، مدينة نصر، باب الشعرية
العميل : طب حضرتك لو أنا حضرتك معنديش اسطمبة وعايز مثلاً…
المهندس منسي : ما هوه إحنا بنصنعها لك
العميل : حضرتك بتصنع الاسطمبة بس؟
المهندس منسي : لأ.. بنصنع الاسطمبة وبعد كده ننفخ عليها، نصنع العبوات عليها
العميل : طب الاسطمبة دي أنا بصنعها إزاي حضرتك
المهندس منسي : ما هوه أنا بنصنعك الاسطمبة
العميل : إنت حضرتك اللي بتصنع الاسطمبة ليا
المهندس منسي : جيبلي حضرتك الشكل اللي إنت عايز زيه وأنا بصنعلك الاسطمبة وبعد كده الاسطمبة دي بتبقى بتاعتك يبقى الشكل بتاعك إنت
العميل : حلو قوي تمام
المهندس منسي : يعني حضرتك ما ينفعش إنك تنزل دواء، وبعد ما تنزل الدواء أي حد ياخده
العميل : حلو قوي.. يعني أنا الاسطمبة دي حضرتك بتصنعهالي
المهندس منسي : أيوه.. وبعد ما أصنعلك الاسطمبة أصنعلك عليها العبوات
العميل : حلو قوي الكلام… تمام… حضرتك أنا من البحيرة
المهندس منسي : آه…
العميل : أنا هحاول أبحث عن… ده الواتس بتاعي برضوا اسمي د/ إسماعيل
المهندس منسي : أهلاً بيك
العميل : تمام.. أنا إن شاء الله هحاول ده رقم حضرتك أسجله باسم مين معايا؟
المهندس منسي : مع حضرتك المهندس منسي
العميل : خلاص ماشي يا باش مهندس، خلاص إن شاء الله بإذن الله أنا هسجل الرقم بتاع حضرتك وفي يومين 3 هكون عند حضرتك إن شاء الله
المهندس منسي : إن شاء الله
العميل : شكراً جزيلاً
